SO‘Z (SUXAN) Ibn Sirinning aytishicha, tushda so‘z aytish yoki so‘z eshitish, qaysi tilda ekaniga qarab, ta’biri har xil bo‘ladi. Agar arab tilida biror narsa aytsa yoki eshitsa, ulug‘lar bilan suhbat qurishiga, ulardan izzat va e’tibor ko‘rishiga hamda Rasululloh (s.a.v.) hadislaridan eshitishiga dalildir. Agar fors tilida so‘zlasa, yoki eshitsa ulug‘lar bilan suhbat qurishi va ulardan yaxshiliklar ko‘rishiga dalildir. Agar yahudiylar tilida so‘z aytganini yoki eshitganini ko‘rsa, meros topishiga dalildir. Agar yunon tilida so‘zlayotgani yoki eshitayotganini ko‘rsa, ilmu hikmat bilan mashg‘ul bo‘lishiga dalildir. Hech qachon eshitmagan bir tilda so‘z aytayotgani yoki eshitayotganini va nima deb,nima eshitganini o‘zi bilmasa, biror ishda hayronlikda qolishiga, bu holatdan qanday qilib qutilishni bilmasligiga dalildir. Kirmoniyning aytishicha, hamma tilda so‘z aytib, so‘z eshitayotganini ko‘rsa, barcha ishga kirishishi va bu ishlardan unga foyda yetishiga dalildir. Jobirning aytishicha, barcha tilda so‘zlash va eshitishni ko‘rmoqning ta’biri shuki, agar bu so‘z yaxshi bo‘lsa, yaxshilik, yomon bo‘lsa buning aksi bo‘lishiga dalildir. Agar a’zolaridan biri so‘z aytayotganini ko‘rsa, o‘zini ko‘rgan bo‘ladi. Alloh ta’olo aytadi: Ul kuni tillari, qo‘llari va oyoqlari qilgan ishlaridan guvohlik berurlar (Nur surasi, 24-oyat).
СЎЗ (СУХАН) Ибн Сириннинг айтишича, тушда сўз айтиш ёки сўз эшитиш, қайси тилда эканига қараб, таъбири ҳар хил бўлади. Агар араб тилида бирор нарса айтса ёки эшитса, улуғлар билан суҳбат қуришига, улардан иззат ва эътибор кўришига ҳамда Расулуллоҳ (с.а.в.) ҳадисларидан эшитишига далилдир. Агар форс тилида сўзласа, ёки эшитса улуғлар билан суҳбат қуриши ва улардан яхшиликлар кўришига далилдир. Агар яҳудийлар тилида сўз айтганини ёки эшитганини кўрса, мерос топишига далилдир. Агар юнон тилида сўзлаётгани ёки эшитаётганини кўрса, илму ҳикмат билан машғул бўлишига далилдир. Ҳеч қачон эшитмаган бир тилда сўз айтаётгани ёки эшитаётганини ва нима деб,нима эшитганини ўзи билмаса, бирор ишда ҳайронликда қолишига, бу ҳолатдан қандай қилиб қутилишни билмаслигига далилдир. Кирмонийнинг айтишича, ҳамма тилда сўз айтиб, сўз эшитаётганини кўрса, барча ишга киришиши ва бу ишлардан унга фойда етишига далилдир. Жобирнинг айтишича, барча тилда сўзлаш ва эшитишни кўрмоқнинг таъбири шуки, агар бу сўз яхши бўлса, яхшилик, ёмон бўлса бунинг акси бўлишига далилдир. Агар аъзоларидан бири сўз айтаётганини кўрса, ўзини кўрган бўлади. Аллоҳ таъоло айтади: Ул куни тиллари, қўллари ва оёқлари қилган ишларидан гувоҳлик берурлар (Нур сураси, 24-оят).
Tush.UZ - Tushlar tabiri