TAROQ (ShONA) Ibn Sirin (r.a.)ning aytishicha, tushdagi taroq nasabi va e’tibori yo‘q odamdir. Tushida soch-soqolini tarayotganini ko‘rsa, g‘amlardan qutilishiga, qarzidan ozod bo‘lishiga va murodiga yetishiga dalildir. Kirmoniy (r.a.)ning aytishicha, tushida soqoliga taroq urayotganini ko‘rsa va soqolining birorta tolasi uzilib chiqsa, mol zakotini berishiga dalildir. Jobir Mag‘ribiy (r.a.)ning aytishicha, tushdagi taroq yaxshilik ishlarida bir-biriga muvofiq do‘stlardir. Sochga taroq urish maqsadga yetishishdir. Tushdagi taroq yasovchi dildagi g‘amu anduhni haydovchi va qarzdan qutqaruvchi kishidir. Ba’zi ta’birchilarning aytishicha, yuzini ko‘rishdan ko‘zlari ravshan bo‘luvchi chiroyli kishidir.
ТАРОҚ (ШОНА) Ибн Сирин (р.а.)нинг айтишича, тушдаги тароқ насаби ва эътибори йўқ одамдир. Тушида соч-соқолини тараётганини кўрса, ғамлардан қутилишига, қарзидан озод бўлишига ва муродига етишига далилдир. Кирмоний (р.а.)нинг айтишича, тушида соқолига тароқ ураётганини кўрса ва соқолининг бирорта толаси узилиб чиқса, мол закотини беришига далилдир. Жобир Мағрибий (р.а.)нинг айтишича, тушдаги тароқ яхшилик ишларида бир-бирига мувофиқ дўстлардир. Сочга тароқ уриш мақсадга етишишдир. Тушдаги тароқ ясовчи дилдаги ғаму андуҳни ҳайдовчи ва қарздан қутқарувчи кишидир. Баъзи таъбирчиларнинг айтишича, юзини кўришдан кўзлари равшан бўлувчи чиройли кишидир.
Tush.UZ - Tushlar tabiri