TOVUQ (MOKIYON) Mokiyon bu tovuqdir. Ibn Sirin (r.a.)ning aytishicha, tushdagi tovuq xizmatkor xodim yoki kanizakdir. Tushida tovuqni sotib olganini yoki birov unga berganini ko‘rsa, kanizak sotib olishi yoki xodimni ijaraga olishini bildiradi. Tushida xaddan tashqari ko‘p tovuqlari borligini ko‘rsa, amal va rahbarlik topishiga dalildir. Tushida tovuq go‘shtidan yeganini ko‘rsa, uning miqdoricha xodimlardan ne’mat topishiga dalildir. Agar jo‘jani so‘yganini ko‘rsa, farzandi yoki g‘ulomining yoxud kanizakning farzandi birorta baloga duchor bo‘lishini bildiradi. Kirmoniy (r.a.)ning aytishicha, tushida tovuq tuxumini topganini ko‘rsa, uyida qiz tug‘ilishi yoki xodimlaridan mol topishiga dalildir. Jobir Mag‘ribiy (r.a.)ning aytishicha, tushdagi tovuq chiroyli ayol bo‘ladi. Tushda oq tovuq olachipor tovuqdan yaxshiroqdir. Tushida uydagi tovug‘i xo‘roz kabi qichqirganini ko‘rsa, noxush so‘z eshitishiga dalildir. Ismoil Asha’as (r.a.)ning aytishicha, tushdagi tovuqning jo‘jasi uch narsani bildiradi: chiroyli ayolni; kanizakni; xodimni.
ТОВУҚ (МОКИЁН) Мокиён бу товуқдир. Ибн Сирин (р.а.)нинг айтишича, тушдаги товуқ хизматкор ходим ёки канизакдир. Тушида товуқни сотиб олганини ёки биров унга берганини кўрса, канизак сотиб олиши ёки ходимни ижарага олишини билдиради. Тушида хаддан ташқари кўп товуқлари борлигини кўрса, амал ва раҳбарлик топишига далилдир. Тушида товуқ гўштидан еганини кўрса, унинг миқдорича ходимлардан неъмат топишига далилдир. Агар жўжани сўйганини кўрса, фарзанди ёки ғуломининг ёхуд канизакнинг фарзанди бирорта балога дучор бўлишини билдиради. Кирмоний (р.а.)нинг айтишича, тушида товуқ тухумини топганини кўрса, уйида қиз туғилиши ёки ходимларидан мол топишига далилдир. Жобир Мағрибий (р.а.)нинг айтишича, тушдаги товуқ чиройли аёл бўлади. Тушда оқ товуқ олачипор товуқдан яхшироқдир. Тушида уйдаги товуғи хўроз каби қичқирганини кўрса, нохуш сўз эшитишига далилдир. Исмоил Ашаъас (р.а.)нинг айтишича, тушдаги товуқнинг жўжаси уч нарсани билдиради: чиройли аёлни; канизакни; ходимни.
Tush.UZ - Tushlar tabiri