TOVUQ TUXUMI (XOYAN MURG‘) Doniyol (a.s.) aytadilarki, tushdagi tovuq tuxumi kanizakni bildiradi. Agar tushida bir kishi o‘z oldida bir tovuqning tuxum qo‘yganini ko‘rsa, o‘sha kishining xotin olishi va xotin bilan uzoq muddat yashashini bildiradi. Agar tushida pishirilgan tovuq tuxumini tanovul qilayotganini ko‘rsa, qiyinchilik bilan mol topishiga dalildir. Agar tushida tovuq tuxumini chala pishirilganini tanovul qilayotganini ko‘rsa, harom mol yeyishi va ranju g‘am ko‘rishiga dalildir. Kirmoniy (r.a.) aytadiki, agar tushida tuxum qilayotganini ko‘rsa, ko‘p xotin olishi va jimo’ga haris bo‘lishiga dalildir. Agar tushida tovuqlarga o‘xshab, tuxum bosayotganini ko‘rsa, ayollar bilan o‘tirishi va ulardan foyda topishiga dalildir. Agar tushida tovuk, ostiga tuxum qo‘yganini va tovuq tuxumni ostidan chiqarib tashlaganini ko‘rsa, uning to‘xtab qolgan ishi yurishib ketishiga dalildir. Ba’zilarning aytishicha, uning oilasida mo‘’min farzand tug‘iladi. Agar tushida ko‘pgina tuxumga ega ekanligini ko‘rsa, oilasida ko‘p farzandlar tug‘ilishiga dalildir. O‘rdak tuxumi kambag‘al va bechora farzandni bildiradi. Chumchuq tuxumi esa shodu xurramlikka dalildir.
ТОВУҚ ТУХУМИ (ХОЙАН МУРҒ) Дониёл (а.с.) айтадиларки, тушдаги товуқ тухуми канизакни билдиради. Агар тушида бир киши ўз олдида бир товуқнинг тухум қўйганини кўрса, ўша кишининг хотин олиши ва хотин билан узоқ муддат яшашини билдиради. Агар тушида пиширилган товуқ тухумини тановул қилаётганини кўрса, қийинчилик билан мол топишига далилдир. Агар тушида товуқ тухумини чала пиширилганини тановул қилаётганини кўрса, ҳаром мол ейиши ва ранжу ғам кўришига далилдир. Кирмоний (р.а.) айтадики, агар тушида тухум қилаётганини кўрса, кўп хотин олиши ва жимоъга ҳарис бўлишига далилдир. Агар тушида товуқларга ўхшаб, тухум босаётганини кўрса, аёллар билан ўтириши ва улардан фойда топишига далилдир. Агар тушида товук, остига тухум қўйганини ва товуқ тухумни остидан чиқариб ташлаганини кўрса, унинг тўхтаб қолган иши юришиб кетишига далилдир. Баъзиларнинг айтишича, унинг оиласида мўъмин фарзанд туғилади. Агар тушида кўпгина тухумга эга эканлигини кўрса, оиласида кўп фарзандлар туғилишига далилдир. Ўрдак тухуми камбағал ва бечора фарзандни билдиради. Чумчуқ тухуми эса шоду хуррамликка далилдир.
Tush.UZ - Tushlar tabiri