TOMIRLAR (RAGHO) Ibn Sirin (r.a.) aytadiki, tushdagi badan tomirlari ahli oilasi va qarindoshlariga dalolat qiladi. Tushida tomirlaridan biriga ofat yetganini ko‘rsa, yaqinlariga g‘am yetishiga dalildir. Badandagi har bir tomir muayyan narsaga taalluqli bo‘ladi. Peshona tomiri amaldorlarga dalolat qiladi, qo‘l va tirsak tomirlari — bolalarga, qorin tomirlari — onasining qarindoshlariga, orqa tomirlari — otasining qorindoshlariga, dumg‘aza tomirlari — oila a’zolari, xotini va do‘stlariga, boldir tomirlari — molu manfaatga dalolat qiladi. Tushida kimdir uning tomirini ochganini ko‘rsa, qarindoshlaridan xunuk so‘z eshitishiga dalildir. Ba’zilarning aytishicha, chiqqan qonning miqdoriga qarab, qarindoshlaridan birining molini sovuradi. Doniyol (a.s.) aytadilarki, tushida yelka tomiridan qon oldirganini ko‘rsa, ishlari yurishmay qolishiga dalildir. Agar tirsak tomiridan qon oldirganini tush ko‘rsa, yuqoridagi ta’birga egadir. Kimdir: Mening tomirimdan qon oqayotgan edi, nima bo‘ladi?, — deb so‘rasa, unga mol topishini aytish kerak. Agar: Qo‘limdan qon oqayotgan edi, nima bo‘ladi?, — deb so‘rasa, unga ziyon yetishiga dalildir. Ta’birchi bu paytda tush aytuvchining so‘ziga qarashi kerak, ta’birni uning so‘ziga muvofiq bayon qilish lozim. Tomirini bo‘sh va ko‘k holda ko‘rsa, unga g‘am yetishiga dalildir.
ТОМИРЛАР (РАГҲО) Ибн Сирин (р.а.) айтадики, тушдаги бадан томирлари аҳли оиласи ва қариндошларига далолат қилади. Тушида томирларидан бирига офат етганини кўрса, яқинларига ғам етишига далилдир. Бадандаги ҳар бир томир муайян нарсага тааллуқли бўлади. Пешона томири амалдорларга далолат қилади, қўл ва тирсак томирлари — болаларга, қорин томирлари — онасининг қариндошларига, орқа томирлари — отасининг қориндошларига, думғаза томирлари — оила аъзолари, хотини ва дўстларига, болдир томирлари — молу манфаатга далолат қилади. Тушида кимдир унинг томирини очганини кўрса, қариндошларидан хунук сўз эшитишига далилдир. Баъзиларнинг айтишича, чиққан қоннинг миқдорига қараб, қариндошларидан бирининг молини совуради. Дониёл (а.с.) айтадиларки, тушида елка томиридан қон олдирганини кўрса, ишлари юришмай қолишига далилдир. Агар тирсак томиридан қон олдирганини туш кўрса, юқоридаги таъбирга эгадир. Кимдир: Менинг томиримдан қон оқаётган эди, нима бўлади?, — деб сўраса, унга мол топишини айтиш керак. Агар: Қўлимдан қон оқаётган эди, нима бўлади?, — деб сўраса, унга зиён етишига далилдир. Таъбирчи бу пайтда туш айтувчининг сўзига қараши керак, таъбирни унинг сўзига мувофиқ баён қилиш лозим. Томирини бўш ва кўк ҳолда кўрса, унга ғам етишига далилдир.