BEMORLIK (BEMORIY) Ibn Sirin (r.a.)ning aytishicha, har kim tushida bemor ekanini ko‘rsa, diniy ishlari nuqsonli, odamlar bilan bo‘ladigan muomalasi munofiqona ekanini bildiradi. Ba’zilarning aytishicha, o‘sha yili o‘ladi. Agar kasallikdan tuzalganini ko‘rsa, o‘z uyida bo‘lmasa, hech kim bilan so‘zlashmasa kasalligi uzoqqa cho‘zilishi, xatto o‘lim xatarining ehtimoli borligiga dalildir. Ammo odamlar bilan o‘tirganini va so‘zlashayotganini ko‘rsa, kasallikdan tezda shifo topishini bildiradi. Kirmoniy (r.a.) aytadiki, kasallikda yalang‘och ekanini ko‘rsa, tez o‘lishiga dalildir. Ta’birchilarning aytishlaricha, tushdagi kasallik fisqu fujur hamda podshoh yoki ayol tomonidan yetadigan g‘amu anduhni bildiradi. Jobir Mag‘ribiy (r.a.) aytishicha, tushdagi har xil kasalliklar, farzlar va sunnatlarning xor bo‘lishiga dalil bo‘ladi. Ja’far Sodiq (r.a.)ning aytishlaricha, tushida bemor bo‘lganligini va illatdan nola chekayotganini ko‘rsa, g‘amdan emin bo‘lishiga dalildir. Agar kasallikda qanoatli, rozi va shukr qiluvchi bo‘lsa, ta’biri yaxshilik va salomatlikka dalil bo‘ladi. Agar kasal bo‘lgani va yalang‘och ekanini ko‘rsa, ajali yaqin qolganini bildiradi.
БЕМОРЛИК (БЕМОРИЙ) Ибн Сирин (р.а.)нинг айтишича, ҳар ким тушида бемор эканини кўрса, диний ишлари нуқсонли, одамлар билан бўладиган муомаласи мунофиқона эканини билдиради. Баъзиларнинг айтишича, ўша йили ўлади. Агар касалликдан тузалганини кўрса, ўз уйида бўлмаса, ҳеч ким билан сўзлашмаса касаллиги узоққа чўзилиши, хатто ўлим хатарининг эҳтимоли борлигига далилдир. Аммо одамлар билан ўтирганини ва сўзлашаётганини кўрса, касалликдан тезда шифо топишини билдиради. Кирмоний (р.а.) айтадики, касалликда яланғоч эканини кўрса, тез ўлишига далилдир. Таъбирчиларнинг айтишларича, тушдаги касаллик фисқу фужур ҳамда подшоҳ ёки аёл томонидан етадиган ғаму андуҳни билдиради. Жобир Мағрибий (р.а.) айтишича, тушдаги ҳар хил касалликлар, фарзлар ва суннатларнинг хор бўлишига далил бўлади. Жаъфар Содиқ (р.а.)нинг айтишларича, тушида бемор бўлганлигини ва иллатдан нола чекаётганини кўрса, ғамдан эмин бўлишига далилдир. Агар касалликда қаноатли, рози ва шукр қилувчи бўлса, таъбири яхшилик ва саломатликка далил бўлади. Агар касал бўлгани ва яланғоч эканини кўрса, ажали яқин қолганини билдиради.
Tush.UZ - Tushlar tabiri