UZUM (ANGUR) Doniyol (a.s.)ning aytishlaricha, qora uzumni o‘z vaqtida yeyish g‘amu qayg‘u bo‘ladi, bevaqt yesa vahima va qo‘rqinchdir. Ta’birchilarning aytishlaricha, yegan har bir donasi barobarida tayoq yoki qamchi yeydi. Oq uzumni o‘z vaqtida yesa umid qilmagan tomondan yetadigan yaxshilik va dunyo bo‘ladi. Bevaqt yeyilgan bo‘lsa, tush egasining og‘zidan chiqadigan suv bo‘lib, u molning ketishiga dalolat qiladi. Qizil uzum ham shunday dalilga ega. Ibn Sirin (r.a.)ning aytishicha, oq uzum o‘z vaqtida yeyilsa, ozgina foydaga dalil bo‘ladi. Terisi qalin bo‘lgan har qanday uzum qiyinchilik bilan qo‘lga kiradigan mol bo‘ladi. Terisi yupqa uzum halol molga dalil bo‘ladi. Suvi xira uzum harom molga dalildir. Ko‘rinishi qizil uzum izzat va obro‘ta dalolat qiladi. Qora ko‘rinishiga ega uzum g‘amu anduhga dalil bo‘ladi. Shirin va toza bo‘lgan har qanday uzum dunyo va sharafga dalil bo‘ladi, izzati oshadi. Agar jomda uzum ezayotganini ko‘rsa, bir ulug‘ ayolning xizmatini qilishiga, kosada uzum ezayotganini ko‘rsa, bir xasis odamning xizmatini qilishiga dalildir. Uzum ezayotganini va shirasini xumlarga joylayotganini ko‘rsa, podshoh orqali ko‘p molu dunyo topishiga dalildir. Agar uzumni ahlu ayoli bilan shira siqadigan idishga ezayotganini ko‘rsa, unga va ayoliga podshoh xizmatidan manfaat yetadi. Agar tush ko‘ruvchi podshohdan ko‘rmasa, molni biror kishi sababli topadi. Qazrati Sodiq (r.a.)ning marhamat qilishlaricha, qora va oq uzum o‘z vaqtida va bevaqt yeyilsa uch narsani bildiradi: yaxshi farzandni; ilmi faroyizni; halol molni.
УЗУМ (АНГУР) Дониёл (а.с.)нинг айтишларича, қора узумни ўз вақтида ейиш ғаму қайғу бўлади, бевақт еса ваҳима ва қўрқинчдир. Таъбирчиларнинг айтишларича, еган ҳар бир донаси баробарида таёқ ёки қамчи ейди. Оқ узумни ўз вақтида еса умид қилмаган томондан етадиган яхшилик ва дунё бўлади. Бевақт ейилган бўлса, туш эгасининг оғзидан чиқадиган сув бўлиб, у молнинг кетишига далолат қилади. Қизил узум ҳам шундай далилга эга. Ибн Сирин (р.а.)нинг айтишича, оқ узум ўз вақтида ейилса, озгина фойдага далил бўлади. Териси қалин бўлган ҳар қандай узум қийинчилик билан қўлга кирадиган мол бўлади. Териси юпқа узум ҳалол молга далил бўлади. Суви хира узум ҳаром молга далилдир. Кўриниши қизил узум иззат ва обрўта далолат қилади. Қора кўринишига эга узум ғаму андуҳга далил бўлади. Ширин ва тоза бўлган ҳар қандай узум дунё ва шарафга далил бўлади, иззати ошади. Агар жомда узум эзаётганини кўрса, бир улуғ аёлнинг хизматини қилишига, косада узум эзаётганини кўрса, бир хасис одамнинг хизматини қилишига далилдир. Узум эзаётганини ва ширасини хумларга жойлаётганини кўрса, подшоҳ орқали кўп молу дунё топишига далилдир. Агар узумни аҳлу аёли билан шира сиқадиган идишга эзаётганини кўрса, унга ва аёлига подшоҳ хизматидан манфаат етади. Агар туш кўрувчи подшоҳдан кўрмаса, молни бирор киши сабабли топади. Қазрати Содиқ (р.а.)нинг марҳамат қилишларича, қора ва оқ узум ўз вақтида ва бевақт ейилса уч нарсани билдиради: яхши фарзандни; илми фаройизни; ҳалол молни.
Tush.UZ - Tushlar tabiri