UYLANISH (TAZVIJ) Ibn Sirin (r.a.) aytadi: Xotin olganini ko‘rsa, sharaf va ulug‘lik topishiga dalil bo‘ladi. Agar bo‘ydoq bo‘lsa, badavlat xotin oladi. Xotinini taloq qilganini ko‘rsa, sharafi va ulug‘ligi zoyil bo‘lishiga belgi bo‘ladi. Tushida o‘lgan xotinga uylansa va u bilan yaqinlik qilsa, o‘sha xotinning molu mulkidan unga biror narsa tegishiga dalil bo‘ladi. Agar yaqinlik qilmasa, xotinning molidan kam narsa tegadi. Agar ayol kishi o‘lgan erkakka tekkanini va o‘z uyida u bilan qo‘shilganini ko‘rsa, ayolning moliga nuqson yetadi yoki ahvoli o‘zgaradi. Agar uylansa, xotinni ko‘rmasa, nomini ham bilmasa, ajali yaqinlashib qolganiga dalildir. Kirmoniy (r.a.) aytadi: Eri bor ayol tushida boshqa eri borligini ko‘rsa, to‘yni ko‘rmasa, bu uning izzati va moli ko‘payishiga dalildir. Erkak uylansa, kelinni ko‘rmasa va tanimasa, unga o‘lim xavfi borligiga dalildir. Ba’zilarning aytishicha, kimdir uning qo‘lida o‘ladi. Kasal ekanligini ko‘rsa, notanish ayolga uylansa yo birov o‘z xotini erga tekkanini va erini o‘z uyiga olib ketganini ko‘rsa, erga juda ko‘p mol yetishiga dalolat qiladi. Agar nobakor bir xotinga uylansa, u bilan yaqinlik qilsa, qiyin ishlari unga oson bo‘lishiga dalildir. Agar yaqinlik qilmasa, aytib o‘tganimizdek, unga foyda kamroq bo‘ladi. Jobir Mag‘ribiy (r.a.) aytadi: Agar birov bo‘yi yetgan qizga uylanganini ko‘rga o‘sha yili xotin olishi yoki kanizak sotib olishiga yoki podshoxdan yaxshilik ko‘rishiga dalil bo‘ladi. Qazrati Sodiq (a.s.)ning aytishicha, tushda xotin olish to‘rt narsaga belgi bo‘ladi: ulug‘likka; moli ko‘payishiga; xotirjamlikka; shodu xurramlikka.
УЙЛАНИШ (ТАЗВИЖ) Ибн Сирин (р.а.) айтади: Хотин олганини кўрса, шараф ва улуғлик топишига далил бўлади. Агар бўйдоқ бўлса, бадавлат хотин олади. Хотинини талоқ қилганини кўрса, шарафи ва улуғлиги зойил бўлишига белги бўлади. Тушида ўлган хотинга уйланса ва у билан яқинлик қилса, ўша хотиннинг молу мулкидан унга бирор нарса тегишига далил бўлади. Агар яқинлик қилмаса, хотиннинг молидан кам нарса тегади. Агар аёл киши ўлган эркакка текканини ва ўз уйида у билан қўшилганини кўрса, аёлнинг молига нуқсон етади ёки аҳволи ўзгаради. Агар уйланса, хотинни кўрмаса, номини ҳам билмаса, ажали яқинлашиб қолганига далилдир. Кирмоний (р.а.) айтади: Эри бор аёл тушида бошқа эри борлигини кўрса, тўйни кўрмаса, бу унинг иззати ва моли кўпайишига далилдир. Эркак уйланса, келинни кўрмаса ва танимаса, унга ўлим хавфи борлигига далилдир. Баъзиларнинг айтишича, кимдир унинг қўлида ўлади. Касал эканлигини кўрса, нотаниш аёлга уйланса ё биров ўз хотини эрга текканини ва эрини ўз уйига олиб кетганини кўрса, эрга жуда кўп мол етишига далолат қилади. Агар нобакор бир хотинга уйланса, у билан яқинлик қилса, қийин ишлари унга осон бўлишига далилдир. Агар яқинлик қилмаса, айтиб ўтганимиздек, унга фойда камроқ бўлади. Жобир Мағрибий (р.а.) айтади: Агар биров бўйи етган қизга уйланганини кўрга ўша йили хотин олиши ёки канизак сотиб олишига ёки подшохдан яхшилик кўришига далил бўлади. Қазрати Содиқ (а.с.)нинг айтишича, тушда хотин олиш тўрт нарсага белги бўлади: улуғликка; моли кўпайишига; хотиржамликка; шоду хуррамликка.
Tush.UZ - Tushlar tabiri