XOTIN (ZAN) Ibn Sirinning aytishicha, agar ayol kishi qiz bolasi borligini ko‘rsa, xayru manfaat topishi, qarindoshlari hamda o‘z oila a’zolaridan shod bo‘lishiga dalil bo‘ladi. Agar o‘g‘il tuqqanini ko‘rsa, g‘amgin va qayg‘uli bo‘lishiga dalildir. Erkak kishi xotinining o‘g‘il tuqqanini ko‘rsa, uzoq urinib qiyinchiliklardan so‘ng biror narsani qo‘lga kiritishiga dalil bo‘ladi. Agar xotini qiz tuqqanini ko‘rsa, foydasi ko‘proq bo‘ladi. Kirmoniyning aytishicha, podshohning xotini qiz tuqqanini ko‘rsa, eri boylik topishiga dalildir, agar o‘g‘il tuqqanini ko‘rsa, g‘amu anduhga dalil bo‘ladi. Erkak kishi tushida qiz tuqqanini ko‘rsa, g‘amgin va qayg‘uli bo‘lishiga dalildir. O‘g‘il tuqqanini ko‘rsa, undan yaxshi ish sodir bo‘lishi va bu ish tufayli uning yaxshi nomi olamga yoyilishiga dalil bo‘ladi. Agar erga tegmagan qiz bola tuqqanini ko‘rsa, yuqorida aytilgan ayol haqidagi ta’birga ega bo‘ladi. Xazrati Sodiq (r.a.)ning aytishicha, agar ayol kishi farzand tuqqanini va farzand o‘sha ondayoq u bilan so‘zlashganini ko‘rsa, ayolning o‘limiga dalil bo‘ladi. Agar qiz tuqqanini ko‘rsa, uning naslidan taqvodor bir inson paydo bo‘lib, oilasida yo‘lboshchilik qilishiga dalil bo‘ladi.
ХОТИН (ЗАН) Ибн Сириннинг айтишича, агар аёл киши қиз боласи борлигини кўрса, хайру манфаат топиши, қариндошлари ҳамда ўз оила аъзоларидан шод бўлишига далил бўлади. Агар ўғил туққанини кўрса, ғамгин ва қайғули бўлишига далилдир. Эркак киши хотинининг ўғил туққанини кўрса, узоқ уриниб қийинчиликлардан сўнг бирор нарсани қўлга киритишига далил бўлади. Агар хотини қиз туққанини кўрса, фойдаси кўпроқ бўлади. Кирмонийнинг айтишича, подшоҳнинг хотини қиз туққанини кўрса, эри бойлик топишига далилдир, агар ўғил туққанини кўрса, ғаму андуҳга далил бўлади. Эркак киши тушида қиз туққанини кўрса, ғамгин ва қайғули бўлишига далилдир. Ўғил туққанини кўрса, ундан яхши иш содир бўлиши ва бу иш туфайли унинг яхши номи оламга ёйилишига далил бўлади. Агар эрга тегмаган қиз бола туққанини кўрса, юқорида айтилган аёл ҳақидаги таъбирга эга бўлади. Хазрати Содиқ (р.а.)нинг айтишича, агар аёл киши фарзанд туққанини ва фарзанд ўша ондаёқ у билан сўзлашганини кўрса, аёлнинг ўлимига далил бўлади. Агар қиз туққанини кўрса, унинг наслидан тақводор бир инсон пайдо бўлиб, оиласида йўлбошчилик қилишига далил бўлади.