CHAYON (KAJDUM) Ibn Sirin (r.a.)ning aytishicha, tushdagi chayon zaif dushman bo‘lib, odamlarni ranjitadi va do‘st bilan dushman uning oldida barobardir. Tushida chayon chaqib olganini ko‘rsa, dushman unga qattiq gapirishiga va undan ko‘ngli og‘rishiga dalildir. Tushida chayonni o‘ldirganini ko‘rsa, dushman ustidan g‘alaba qazonishiga dalildir. Chayonni o‘ldirgach, u yana qayta tirilganini va yana unga hujum qilganini ko‘rsa, dushmandan yengishi, dushman yana unga qasd qilishini bildiradi. Tushida qo‘lida chayon turganini ko‘rsa, odamlarning dilini og‘rituvchi bo‘lishiga odamlarning orqasidan yomon so‘zlashiga, odamlarni bir-biriga qarshi gij-gijlatishiga va fitna qo‘zg‘ashiga dalildir. Suvda pishirilgan yoki qovurilgan chayonni yeganini ko‘rsa, uning mikdoricha dushman molini yeyishiga dalildir. Tushida chayonni og‘ziga solganini va yeb yuborganini ko‘rsa, dushmanni uyiga olib kelishiga, u bilan suhbatdosh bo‘lishiga va o‘tirib-turishiga dalildir. Tushida chayon kiyimi ichida ekanini ko‘rsa, yuqoridagi ta’birga ega. Jobir Mag‘ribiy (r.a.)ning aytishicha, tushida chayondan qo‘rqqanini va chayon uni chaqib olganini ko‘rsa, dushmandan zarar topishiga dalildir. Ba’zi ta’birchilarning aytishicha, xotini bilan qo‘shilaolmasligiga dalildir. Tushida chayon uning ko‘ylagi ichida ekanini ko‘rsa, dushmandan ziyon yetishiga dalildir. Tushida shalvari ichida chayon borligini ko‘rsa, dushman uning xotini yoki kanizagi bilan buzuqchilik qilishiga dalildir. Ja’far Sodiq (r.a.)ning aytishicha, tushdagi chayon uch narsani bildiradi: dushmanni; hasadchini; chaqimchini.
ЧАЁН (КАЖДУМ) Ибн Сирин (р.а.)нинг айтишича, тушдаги чаён заиф душман бўлиб, одамларни ранжитади ва дўст билан душман унинг олдида баробардир. Тушида чаён чақиб олганини кўрса, душман унга қаттиқ гапиришига ва ундан кўнгли оғришига далилдир. Тушида чаённи ўлдирганини кўрса, душман устидан ғалаба қазонишига далилдир. Чаённи ўлдиргач, у яна қайта тирилганини ва яна унга ҳужум қилганини кўрса, душмандан енгиши, душман яна унга қасд қилишини билдиради. Тушида қўлида чаён турганини кўрса, одамларнинг дилини оғритувчи бўлишига одамларнинг орқасидан ёмон сўзлашига, одамларни бир-бирига қарши гиж-гижлатишига ва фитна қўзғашига далилдир. Сувда пиширилган ёки қовурилган чаённи еганини кўрса, унинг микдорича душман молини ейишига далилдир. Тушида чаённи оғзига солганини ва еб юборганини кўрса, душманни уйига олиб келишига, у билан суҳбатдош бўлишига ва ўтириб-туришига далилдир. Тушида чаён кийими ичида эканини кўрса, юқоридаги таъбирга эга. Жобир Мағрибий (р.а.)нинг айтишича, тушида чаёндан қўрққанини ва чаён уни чақиб олганини кўрса, душмандан зарар топишига далилдир. Баъзи таъбирчиларнинг айтишича, хотини билан қўшилаолмаслигига далилдир. Тушида чаён унинг кўйлаги ичида эканини кўрса, душмандан зиён етишига далилдир. Тушида шалвари ичида чаён борлигини кўрса, душман унинг хотини ёки канизаги билан бузуқчилик қилишига далилдир. Жаъфар Содиқ (р.а.)нинг айтишича, тушдаги чаён уч нарсани билдиради: душманни; ҳасадчини; чақимчини.