CHIROQ (ChIROG‘) Kirmoniy (r.a.) aytadiki, tushdagi chiroq uydagi xodim bo‘ladi. Ta’birchilarning aytishicha, uydagi chiroq xona sohibasi bo‘ladi. Agar uydagi chiroqni pokiza va ravshan holda ko‘rsa, xona sohibasi komila va xushfe’l ayol ekanligiga dalildir. Agar uydagi chiroq yaxshi yoritmayotganini ko‘rsa xona sohibasi yoki xodimasining ranj topishiga dalildir. Agar chiroqning o‘chib qolganini ko‘rsa, xona sohibasining vafot etishiga dalil bo‘ladi. Jobir Mag‘ribiy (r.a.) aytadiki, agar chiqmoqtosh bilan chiroqni yoqqanini ko‘rsa, xotini bo‘lsa farzand tug‘ilishi, yolg‘iz bo‘lsa xotin olishi yoki kanizak sotib olishiga, agar safarda yurgan odami bo‘lsa, salomat qaytishiga dalil bo‘ladi. Agar shaharda chiroqning ko‘p ekanini ko‘rsa, viloyat podshohi odil, qozining insofli, shahar ahlining maishati soz, shodligi ko‘p bo‘lishiga dalildir. Ismoil Apgas (r.a.)ning aytishicha, qo‘lida ko‘pgina chiroqlar borligini ko‘rsa, oilasida bir farzand tug‘iladiki, u farzand izzatli va davlatli bo‘ladi. Agar bu tush egasi fosiq odam bo‘lsa, Xudoga tavba qilib qaytishiga dalildir, bordi-yu mushrik (shirk keltiruvchi) bo‘lsa, hidoyat (to‘g‘ri yo‘l) topishini bildiradi, bordi-yu musulmon bo‘lsa, toat-ibodat va tavfiq topishiga dalildir. Agar chiroq o‘chsa, farzandi halok bo‘lishi yoki izzat va davlatiga nuqson yetishiga dalildir. Agar ikki qo‘lida ravshan chiroq borligini ko‘rsa, uning diniy va dunyoviy ishlari soz bo‘lishini bildiradi. Agar bir qo‘lida bitta chiroq borligini va bu chirokda ikkita teshik bor bo‘lib, ikkita pilik yonib turganini ko‘rsa, egizak farzand tug‘ilishiga dalildir. Ja’far Sodiq (r.a.) aytadiki, tushdagi chiroq o‘n to‘rtta narsaga dalildir: podshohga; qoziga; farzandga; uylanishga; viloyatga; saroyga; amalga; shodlikka; ilmga; boylikka; yoqimli maishatga; kanizakka; manfaatga; nimaiki ko‘rgan bo‘lsa, aynan o‘sha narsaning bo‘lishiga.
ЧИРОҚ (ЧИРОҒ) Кирмоний (р.а.) айтадики, тушдаги чироқ уйдаги ходим бўлади. Таъбирчиларнинг айтишича, уйдаги чироқ хона соҳибаси бўлади. Агар уйдаги чироқни покиза ва равшан ҳолда кўрса, хона соҳибаси комила ва хушфеъл аёл эканлигига далилдир. Агар уйдаги чироқ яхши ёритмаётганини кўрса хона соҳибаси ёки ходимасининг ранж топишига далилдир. Агар чироқнинг ўчиб қолганини кўрса, хона соҳибасининг вафот этишига далил бўлади. Жобир Мағрибий (р.а.) айтадики, агар чиқмоқтош билан чироқни ёққанини кўрса, хотини бўлса фарзанд туғилиши, ёлғиз бўлса хотин олиши ёки канизак сотиб олишига, агар сафарда юрган одами бўлса, саломат қайтишига далил бўлади. Агар шаҳарда чироқнинг кўп эканини кўрса, вилоят подшоҳи одил, қозининг инсофли, шаҳар аҳлининг маишати соз, шодлиги кўп бўлишига далилдир. Исмоил Апгьас (р.а.)нинг айтишича, қўлида кўпгина чироқлар борлигини кўрса, оиласида бир фарзанд туғиладики, у фарзанд иззатли ва давлатли бўлади. Агар бу туш эгаси фосиқ одам бўлса, Худога тавба қилиб қайтишига далилдир, борди-ю мушрик (ширк келтирувчи) бўлса, ҳидоят (тўғри йўл) топишини билдиради, борди-ю мусулмон бўлса, тоат-ибодат ва тавфиқ топишига далилдир. Агар чироқ ўчса, фарзанди ҳалок бўлиши ёки иззат ва давлатига нуқсон етишига далилдир. Агар икки қўлида равшан чироқ борлигини кўрса, унинг диний ва дунёвий ишлари соз бўлишини билдиради. Агар бир қўлида битта чироқ борлигини ва бу чирокда иккита тешик бор бўлиб, иккита пилик ёниб турганини кўрса, эгизак фарзанд туғилишига далилдир. Жаъфар Содиқ (р.а.) айтадики, тушдаги чироқ ўн тўртта нарсага далилдир: подшоҳга; қозига; фарзандга; уйланишга; вилоятга; саройга; амалга; шодликка; илмга; бойликка; ёқимли маишатга; канизакка; манфаатга; нимаики кўрган бўлса, айнан ўша нарсанинг бўлишига.