BOSH (SAR) Doniyol alayhissalomning aytishlaricha, tushdagi bosh guruh boshlig‘idir. Agar tushida kesilgan boshni ko‘rsa, do‘st va rahbar bo‘lishiga, uni xohlashlariga va undan boshqalar xayru manfaat topishiga dalildir. Agar boshi hech zaxmsiz tanidan judo bo‘lganini ko‘rsa, boshliqlikdan tushishiga yoki otaonasidan judo bo‘lishiga dalildir. Agar yarador qilish bilan boshini tanidan judo qilishganini ko‘rsa, agar boy bo‘lsa, kambag‘al bo‘lishi, agar qarzdor bo‘lsa, qarzidan qutulishiga, g‘amdan qutilishiga, agar qul bo‘lsa, ozod bo‘lishiga, agar bemor bo‘lsa, tuzalishiga, agar haqiqatan ham darmonsiz dardi bo‘lsa, o‘lishiga dalildir. Agar rahbar odam boshi tanidan judo bo‘lganini ko‘rsa, ulug‘lik topishiga dalildir, agar qul bu tushni ko‘rsa, boyvachcha xotin olishiga dalildir. Ibn Sirinning aytishicha, har kim uzilgan boshni biror joyda yotganini ko‘rsa, boshliqlar o‘sha yerga to‘planishiga dalildir. Agar chorva hayvonlarining yoki yirtqich hayvonlarning terisini yeyayotganini ko‘rsa, mol topishiga dalildir. Agar odamning bosh terisini xom holda yeyayotganini ko‘rsa, molu ne’mat topishiga dalildir. Agar notanish kallani yeyayotganini ko‘rsa, biror kishining sarmoyasini yeyishiga dalildir. Agar qushning boshini yeyayotganini ko‘rsa, podshohning molini yeyishiga dalildir. Agar har xil o‘likning boshini uning oldiga olib kelsalar, o‘sha guruhning sarkardasi uning oldiga kelishiga, xususan, o‘sha kallalarning go‘shtidan yesa, ulardan foydalar topishiga dalildir. Agar bu tushni ayol kishi ko‘rsa, boy bir odamdan foydalar ko‘rishini bildiradi. Agar qo‘y kallasining go‘shtidan yeganini ko‘rsa, halol mol topishiga dalildir. Agar sigir kallasini yeganini ko‘rsa, o‘sha yili molu davlatni ko‘p topishiga dalildir. Agar echki kallasini yeganini ko‘rsa, bir saxiy rahbardan yoki olijanob bir insondan mol hosil qilishiga dalildir. Kirmoniyning aytishicha, agar har kim o‘z boshini katta bo‘lib qolganini ko‘rsa, bir ulug‘ amaldordan izzat va obro‘ ko‘rishiga dalildir. Agar o‘zida ikkita bosh borligini ko‘rsa, ishlari mustahkam va umri uzoq bo‘lishiga dalildir. Ba’zi ta’birchilarning aytishlaricha, ulug‘ ishga qo‘l uradi, lekin bu ishdan foyda chiqmaydi. Agar o‘zini boshyalang ko‘rsa, o‘z ishidan ayrilishi va g‘amgin bo‘lishiga dalildir. Agar boshida yara borligini va undan qon oqayotganini ko‘rsa, biror kishidan adolat talab qilishiga dalildir. Agar miyasining mag‘zi oqib chiqayotganini va yerga tushganini ko‘rsa, qo‘lidan sarmoyasi ketishiga dalildir. Agar miya mag‘zini yana o‘z joyiga qo‘yganini ko‘rsa, sarmoyasi qaytib qo‘liga kelishiga dalildir. Agar boshini yog‘li holda ko‘rsa, yaxshi ishlar uchun tavfiq topishiga dalildir. Agar kesilgan boshni qo‘lida turganini ko‘rsa va bu bosh kimniki ekanini bilmasa, o‘n ming diram kumush tanga topishiga dalildir. Agar o‘sha boshni yerga tashlab yuborganini ko‘rsa, molini yaxshi ishga sarflashiga yoxud moli qo‘lidan ketishiga dalildir. Agar kesilgan boshni qo‘lida ko‘rsa, ko‘p mol topishiga dalildir. Agar bosh unga yaxshi so‘z aytganini ko‘rsa, insof va adolatga ega bo‘lishiga dalildir. Agar bosh unga yomon so‘z aytganini ko‘rsa, insof va adolatsiz bo‘lishiga dalildir. Agar boshini ikkiga bo‘lingan holda ko‘rsa, otaonasi kasal bo‘lishiga va oqibat shifo topishiga dalildir. Jobirning aytishicha, boshini fil boshi kabi ekanini ko‘rsa, mol va ulug‘lik topishiga dalildir. Boshini sher boshi kabi ekanini ko‘rsa, buzuq va haromga moyil bo‘lishiga dalildir. Agar boshi otning boshi kabi ekanini ko‘rsa, podshohdan molu ne’mat topishiga dalildir. Agar boshi ayiq boshi kabi ekanini ko‘rsa, baxtga muyassar bo‘lishiga dalildir. Agar boshini qo‘y boshi kabi ekanini ko‘rsa, jahl unda g‘olib bo‘lishiga dalildir. Agar boshi tuya boshi kabi ekanini ko‘rsa, hukmdorlik topishiga va dushmanga g‘azab sochishiga dalildir. Agar boshi ayiq boshi kabi ekanini va kofirlar uyi sari mayl qilganini ko‘rsa, kofirlikka mayli borligiga dalildir. Agar boshi shishadan ekanini ko‘rsa, uning halok bo‘lishiga dalildir. Agar boshi kumushdan yoki tilladan ekanini ko‘rsa, mol topishiga dalildir. Agar boshini sariq kumushdan ekanini ko‘rsa, xatar va halokatga dalildir. Agar boshini po‘latdan yoki toshdan ekanini ko‘rsa, lofqof uruvchi kishiga xizmatda bo‘lishiga dalildir. Agar boshida olov yonayotganini ko‘rsa, ishi yaxshi bo‘lishiga dalildir. Ismoil Ash’asning aytishicha, agar boshi vahshiylar boshiga o‘xshaganini ko‘rsa, yomon odamdan hokimlikni olishi va dushmanga qahr qilishiga dalildir. Agar boshini qushlarning boshiga o‘xshab qolganini ko‘rsa, safarga ketishiga dalildir. Boshi pishganini va undan yeyayotganini ko‘rsa, o‘z sarmoyasini yeyishiga dalildir. Agar bir kishining boshi tanidan judo bo‘lganini va yana uni qaytib joyiga qo‘yganini ko‘rsa, o‘sha odam oqibat shahid bo‘lishiga dalildir. Agar quchog‘ida bosh borligini ko‘rsa, o‘sha paytda xotini homilador bo‘lsa, xotini o‘g‘il tug‘ishiga dalildir. Agar sochi qirilganini ko‘rsa, eri o‘lishiga dalildir. Agar qovurib pishirilgan boshdan yeyayotganini ko‘rsa, mol topishiga dalildir. Jobir Mag‘ribiyning aytishicha, agar pishirilgan boshni yeganini ko‘rsa, rais bo‘lishiga dalildir. Agar pishirilgan boshni sotib olayotganini yoki birov unga berganini ko‘rsa, birovdan unga foyda yetishiga dalildir. Agar xom kallani yeyayotganini ko‘rsa, bir ulug‘ kishini g‘iybat qilishiga dalildir. Pishgan bosh xom boshdan yaxshirokdir. Isfahoniyning aytishicha, tushdagi bosh ota, boshliq yoki o‘g‘il bo‘ladi. Agar boshi kesilganini ko‘rsa, ota yo onasidan judo bo‘lishiga dalildir. Agar boshini o‘z qo‘lida ko‘rsa, ota-ona yoki boshliq bilan uchrashuviga dalildir. Agar boshini yana joyiga qo‘yganini ko‘rsa, biror kimsaning narsasini olishi yoki qarz ko‘tarishiga dalildir. Agar oldida ko‘pgina boshlar borligini va o‘zi raqs qilayotganini ko‘rsa, o‘sha diyor boshlig‘iga g‘am, anduh va musibat yuzlanishiga dalildir. Agar podshohning boshini o‘z yelkasida ko‘rsa, qiyinchilik va og‘irchilik bilan ikki ming (tanga) pul topishiga dalildir. Hazrati Sodiq (r.a.)ning aytishicha, tushda odamlarning boshini ko‘rish o‘nbitta narsaga dalil bo‘ladi: boshliq; ulug‘lik; ota; ona; amir; olim; ikki ming diram pul; qul yoki kanizak; xotin va boylik. Agar tushda boshi og‘riyotganini va toza libosda ekanini ko‘rsa, ulug‘lar bilan suhbat qurishiga, ishlari yaxshi bo‘lib, davlat topishiga dalildir. Agar qassoblarga o‘xshab chirkin kiyingan bo‘lsa, ulug‘lar sababli unga qayg‘u va g‘am yetishiga dalildir.
БОШ (САР) Дониёл алайҳиссаломнинг айтишларича, тушдаги бош гуруҳ бошлиғидир. Агар тушида кесилган бошни кўрса, дўст ва раҳбар бўлишига, уни хоҳлашларига ва ундан бошқалар хайру манфаат топишига далилдир. Агар боши ҳеч захмсиз танидан жудо бўлганини кўрса, бошлиқликдан тушишига ёки отаонасидан жудо бўлишига далилдир. Агар ярадор қилиш билан бошини танидан жудо қилишганини кўрса, агар бой бўлса, камбағал бўлиши, агар қарздор бўлса, қарзидан қутулишига, ғамдан қутилишига, агар қул бўлса, озод бўлишига, агар бемор бўлса, тузалишига, агар ҳақиқатан ҳам дармонсиз дарди бўлса, ўлишига далилдир. Агар раҳбар одам боши танидан жудо бўлганини кўрса, улуғлик топишига далилдир, агар қул бу тушни кўрса, бойвачча хотин олишига далилдир. Ибн Сириннинг айтишича, ҳар ким узилган бошни бирор жойда ётганини кўрса, бошлиқлар ўша ерга тўпланишига далилдир. Агар чорва ҳайвонларининг ёки йиртқич ҳайвонларнинг терисини еяётганини кўрса, мол топишига далилдир. Агар одамнинг бош терисини хом ҳолда еяётганини кўрса, молу неъмат топишига далилдир. Агар нотаниш каллани еяётганини кўрса, бирор кишининг сармоясини ейишига далилдир. Агар қушнинг бошини еяётганини кўрса, подшоҳнинг молини ейишига далилдир. Агар ҳар хил ўликнинг бошини унинг олдига олиб келсалар, ўша гуруҳнинг саркардаси унинг олдига келишига, хусусан, ўша каллаларнинг гўштидан еса, улардан фойдалар топишига далилдир. Агар бу тушни аёл киши кўрса, бой бир одамдан фойдалар кўришини билдиради. Агар қўй калласининг гўштидан еганини кўрса, ҳалол мол топишига далилдир. Агар сигир калласини еганини кўрса, ўша йили молу давлатни кўп топишига далилдир. Агар эчки калласини еганини кўрса, бир сахий раҳбардан ёки олижаноб бир инсондан мол ҳосил қилишига далилдир. Кирмонийнинг айтишича, агар ҳар ким ўз бошини катта бўлиб қолганини кўрса, бир улуғ амалдордан иззат ва обрў кўришига далилдир. Агар ўзида иккита бош борлигини кўрса, ишлари мустаҳкам ва умри узоқ бўлишига далилдир. Баъзи таъбирчиларнинг айтишларича, улуғ ишга қўл уради, лекин бу ишдан фойда чиқмайди. Агар ўзини бошяланг кўрса, ўз ишидан айрилиши ва ғамгин бўлишига далилдир. Агар бошида яра борлигини ва ундан қон оқаётганини кўрса, бирор кишидан адолат талаб қилишига далилдир. Агар миясининг мағзи оқиб чиқаётганини ва ерга тушганини кўрса, қўлидан сармояси кетишига далилдир. Агар мия мағзини яна ўз жойига қўйганини кўрса, сармояси қайтиб қўлига келишига далилдир. Агар бошини ёғли ҳолда кўрса, яхши ишлар учун тавфиқ топишига далилдир. Агар кесилган бошни қўлида турганини кўрса ва бу бош кимники эканини билмаса, ўн минг дирам кумуш танга топишига далилдир. Агар ўша бошни ерга ташлаб юборганини кўрса, молини яхши ишга сарфлашига ёхуд моли қўлидан кетишига далилдир. Агар кесилган бошни қўлида кўрса, кўп мол топишига далилдир. Агар бош унга яхши сўз айтганини кўрса, инсоф ва адолатга эга бўлишига далилдир. Агар бош унга ёмон сўз айтганини кўрса, инсоф ва адолатсиз бўлишига далилдир. Агар бошини иккига бўлинган ҳолда кўрса, отаонаси касал бўлишига ва оқибат шифо топишига далилдир. Жобирнинг айтишича, бошини фил боши каби эканини кўрса, мол ва улуғлик топишига далилдир. Бошини шер боши каби эканини кўрса, бузуқ ва ҳаромга мойил бўлишига далилдир. Агар боши отнинг боши каби эканини кўрса, подшоҳдан молу неъмат топишига далилдир. Агар боши айиқ боши каби эканини кўрса, бахтга муяссар бўлишига далилдир. Агар бошини қўй боши каби эканини кўрса, жаҳл унда ғолиб бўлишига далилдир. Агар боши туя боши каби эканини кўрса, ҳукмдорлик топишига ва душманга ғазаб сочишига далилдир. Агар боши айиқ боши каби эканини ва кофирлар уйи сари майл қилганини кўрса, кофирликка майли борлигига далилдир. Агар боши шишадан эканини кўрса, унинг ҳалок бўлишига далилдир. Агар боши кумушдан ёки тилладан эканини кўрса, мол топишига далилдир. Агар бошини сариқ кумушдан эканини кўрса, хатар ва ҳалокатга далилдир. Агар бошини пўлатдан ёки тошдан эканини кўрса, лофқоф урувчи кишига хизматда бўлишига далилдир. Агар бошида олов ёнаётганини кўрса, иши яхши бўлишига далилдир. Исмоил Ашъаснинг айтишича, агар боши ваҳшийлар бошига ўхшаганини кўрса, ёмон одамдан ҳокимликни олиши ва душманга қаҳр қилишига далилдир. Агар бошини қушларнинг бошига ўхшаб қолганини кўрса, сафарга кетишига далилдир. Боши пишганини ва ундан еяётганини кўрса, ўз сармоясини ейишига далилдир. Агар бир кишининг боши танидан жудо бўлганини ва яна уни қайтиб жойига қўйганини кўрса, ўша одам оқибат шаҳид бўлишига далилдир. Агар қучоғида бош борлигини кўрса, ўша пайтда хотини ҳомиладор бўлса, хотини ўғил туғишига далилдир. Агар сочи қирилганини кўрса, эри ўлишига далилдир. Агар қовуриб пиширилган бошдан еяётганини кўрса, мол топишига далилдир. Жобир Мағрибийнинг айтишича, агар пиширилган бошни еганини кўрса, раис бўлишига далилдир. Агар пиширилган бошни сотиб олаётганини ёки биров унга берганини кўрса, бировдан унга фойда етишига далилдир. Агар хом каллани еяётганини кўрса, бир улуғ кишини ғийбат қилишига далилдир. Пишган бош хом бошдан яхширокдир. Исфаҳонийнинг айтишича, тушдаги бош ота, бошлиқ ёки ўғил бўлади. Агар боши кесилганини кўрса, ота ё онасидан жудо бўлишига далилдир. Агар бошини ўз қўлида кўрса, ота-она ёки бошлиқ билан учрашувига далилдир. Агар бошини яна жойига қўйганини кўрса, бирор кимсанинг нарсасини олиши ёки қарз кўтаришига далилдир. Агар олдида кўпгина бошлар борлигини ва ўзи рақс қилаётганини кўрса, ўша диёр бошлиғига ғам, андуҳ ва мусибат юзланишига далилдир. Агар подшоҳнинг бошини ўз елкасида кўрса, қийинчилик ва оғирчилик билан икки минг (танга) пул топишига далилдир. Ҳазрати Содиқ (р.а.)нинг айтишича, тушда одамларнинг бошини кўриш ўнбитта нарсага далил бўлади: бошлиқ; улуғлик; ота; она; амир; олим; икки минг дирам пул; қул ёки канизак; хотин ва бойлик. Агар тушда боши оғриётганини ва тоза либосда эканини кўрса, улуғлар билан суҳбат қуришига, ишлари яхши бўлиб, давлат топишига далилдир. Агар қассобларга ўхшаб чиркин кийинган бўлса, улуғлар сабабли унга қайғу ва ғам етишига далилдир.
Tush.UZ - Tushlar tabiri