BOG‘ KO‘RISH (BOG‘ DIDAN) Doniyol (a.s.)ning aytishlaricha, tushdagi bog‘ xotin bo‘ladi. Boqqa suv berayotganini ko‘rsa, xotini bilan yaqinlik qiladi. Boqqa suv berayotganini, biroq nam bo‘lmayotganini ko‘rsa, xotini uning yaqinlik qilishini xohlayotgan bo‘ladi. Boqqa gulu rayhonlar ekayotganini ko‘rsa, qobil farzand tug‘ilishiga dalildir. Boqqa shaftoli ekayotganini ko‘rsa, farzand tug‘ilib, tezda unga ilmu adab o‘rgatishiga dalil bo‘ladi. Bog‘ida rayhon o‘sganini, bo‘y cho‘zganini va uning hidi dimog‘iga kirayotganini ko‘rsa, dono, botir va aqlli farzand tug‘ilishiga dalildir. Rayhon hidi farzandga dalolat qiladi. Bog‘ini yam-yashil, obod, oqar suvli, ko‘shkli, daraxt mevalaridan yegan, xotini bilan tamosho qilib yurgan holda ko‘rsa, ular Jannat ahli ekanliklariga dalildir. Obodon bog‘ni ko‘rsa va mevalaridan olib yesa, boyvachcha xotin olishiga dalolat qiladi va undan molu ne’mat topadi. Kuz faslida noma’lum boqqa kirsa va daraxtlardan barglarni to‘ksa, unga g‘am va qayg‘u yetishiga dalildir. Bog‘da ko‘shklar bo‘lsa, sabzalar, oqib turuvchi suvlar, daraxtlar serob bo‘lib, sohibjamol bir ayol uni imlab turganini ko‘rsa, oxiratda Jannat va hurlarni topishiga dalildir. Bog‘i borligini yoki birov unga bog‘ berganini ko‘rsa, moldor xotin oladi va uning molidan yeydi. Bog‘da turganini va baland daraxt mevalari uning ustiga tushayotganini ko‘rsa, aziz bir kishi bilan husumatlashadi va unga g‘olib keladi. Bog‘da daraxt ustida uxlayotganini ko‘rsa, uning nasli va farzandlari ko‘payishiga dalildir. Kirmoniy (r.a.)ning aytishicha, bog‘ tushda molli va jamolli ulug‘ kishi bo‘ladi. Bahor yoki yozda bog‘ni yashnagan holda ko‘rsa, mevalar yetilgan bo‘lsa, gulu rayhonlar ochilgan bo‘lsa, oqar suvlar bo‘lsa, u bog‘ o‘rtasida o‘tirgan bo‘lsa. shahidlik bilan o‘lishiga dalil bo‘ladi. Yozda ma’lum va noma’lum bog‘ ko‘rsa, mevalari shirin bo‘lsa, daraxt berglari to‘kilgan bo‘lsa, a’yonu xodimlaridan ajralgan podshoh bilan suhbatdosh bo‘lishiga dalildir. Yozda bog‘ni yashil, sermeva va oqin suvli holda ko‘rsa, daryo suvi oqib kelib, bog‘ni qo‘porib, xarob qilsa, diyor podshohiga o‘lim xavfi borligiga dalil bo‘ladi yoki ulug‘ sulton tomonidan podshohlikdan tushiriladi. Agar olov paydo bo‘lib, bog‘ daraxtlarini yondirib yuborsa, podshohga fojeaviy o‘lim yetadi. Bog‘da tuyalar yurgan bo‘lsa, o‘sha mamlakat podshohi dushman ustidan g‘alaba qiladi. Bog‘da qo‘ylarni ko‘rsa podshoxdan molu ne’mat topadi, podshohga esa ulug‘ haybat bo‘ladi. Bog‘da parrandalarni ko‘rsa, podshoh lashkarlari ahdu vafoda turgan bo‘ladi, biroq ularga ishonch bo‘lmaydi. Bog‘dan meva terib, uyiga olib ketsa, o‘sha mevaga yarasha xayru manfaat topadi. Bog‘ni bezatilgan va yashnagan holda ko‘rsa, kimdir unga bu bog‘ falonchiniki, desa, u o‘sha bog‘dan meva olib yesa, yeganiga qarab, bog‘ egasidan foyda topishiga dalildir. Bahor yoki yozda bog‘ni xarob holda ko‘rsa, chunonchi, unda na sabza va na daraxt bo‘lmasa, podshoh xalqqa jabru sitam qilishiga dalil bo‘ladi. O‘z qo‘li bilan bog‘ barpo qilganini ko‘rsa, daraxt o‘tqizsa meva hosili bo‘lsa, boyvachcha xotinga uylanishi va molu ne’mat hamda farzandlar hosil bo‘lishiga dalildir. O‘sha bog‘da o‘z vaqtida uzum ko‘rsa, o‘z himmatiga loyiq qadru e’tibor topadi.
БОҒ КЎРИШ (БОҒ ДИДАН) Дониёл (а.с.)нинг айтишларича, тушдаги боғ хотин бўлади. Боққа сув бераётганини кўрса, хотини билан яқинлик қилади. Боққа сув бераётганини, бироқ нам бўлмаётганини кўрса, хотини унинг яқинлик қилишини хоҳлаётган бўлади. Боққа гулу райҳонлар экаётганини кўрса, қобил фарзанд туғилишига далилдир. Боққа шафтоли экаётганини кўрса, фарзанд туғилиб, тезда унга илму адаб ўргатишига далил бўлади. Боғида райҳон ўсганини, бўй чўзганини ва унинг ҳиди димоғига кираётганини кўрса, доно, ботир ва ақлли фарзанд туғилишига далилдир. Райҳон ҳиди фарзандга далолат қилади. Боғини ям-яшил, обод, оқар сувли, кўшкли, дарахт меваларидан еган, хотини билан тамошо қилиб юрган ҳолда кўрса, улар Жаннат аҳли эканликларига далилдир. Ободон боғни кўрса ва меваларидан олиб еса, бойвачча хотин олишига далолат қилади ва ундан молу неъмат топади. Куз фаслида номаълум боққа кирса ва дарахтлардан баргларни тўкса, унга ғам ва қайғу етишига далилдир. Боғда кўшклар бўлса, сабзалар, оқиб турувчи сувлар, дарахтлар сероб бўлиб, соҳибжамол бир аёл уни имлаб турганини кўрса, охиратда Жаннат ва ҳурларни топишига далилдир. Боғи борлигини ёки биров унга боғ берганини кўрса, молдор хотин олади ва унинг молидан ейди. Боғда турганини ва баланд дарахт мевалари унинг устига тушаётганини кўрса, азиз бир киши билан ҳусуматлашади ва унга ғолиб келади. Боғда дарахт устида ухлаётганини кўрса, унинг насли ва фарзандлари кўпайишига далилдир. Кирмоний (р.а.)нинг айтишича, боғ тушда молли ва жамолли улуғ киши бўлади. Баҳор ёки ёзда боғни яшнаган ҳолда кўрса, мевалар етилган бўлса, гулу райҳонлар очилган бўлса, оқар сувлар бўлса, у боғ ўртасида ўтирган бўлса. шаҳидлик билан ўлишига далил бўлади. Ёзда маълум ва номаълум боғ кўрса, мевалари ширин бўлса, дарахт берглари тўкилган бўлса, аъёну ходимларидан ажралган подшоҳ билан суҳбатдош бўлишига далилдир. Ёзда боғни яшил, сермева ва оқин сувли ҳолда кўрса, дарё суви оқиб келиб, боғни қўпориб, хароб қилса, диёр подшоҳига ўлим хавфи борлигига далил бўлади ёки улуғ султон томонидан подшоҳликдан туширилади. Агар олов пайдо бўлиб, боғ дарахтларини ёндириб юборса, подшоҳга фожеавий ўлим етади. Боғда туялар юрган бўлса, ўша мамлакат подшоҳи душман устидан ғалаба қилади. Боғда қўйларни кўрса подшохдан молу неъмат топади, подшоҳга эса улуғ ҳайбат бўлади. Боғда паррандаларни кўрса, подшоҳ лашкарлари аҳду вафода турган бўлади, бироқ уларга ишонч бўлмайди. Боғдан мева териб, уйига олиб кетса, ўша мевага яраша хайру манфаат топади. Боғни безатилган ва яшнаган ҳолда кўрса, кимдир унга бу боғ фалончиники, деса, у ўша боғдан мева олиб еса, еганига қараб, боғ эгасидан фойда топишига далилдир. Баҳор ёки ёзда боғни хароб ҳолда кўрса, чунончи, унда на сабза ва на дарахт бўлмаса, подшоҳ халққа жабру ситам қилишига далил бўлади. Ўз қўли билан боғ барпо қилганини кўрса, дарахт ўтқизса мева ҳосили бўлса, бойвачча хотинга уйланиши ва молу неъмат ҳамда фарзандлар ҳосил бўлишига далилдир. Ўша боғда ўз вақтида узум кўрса, ўз ҳимматига лойиқ қадру эътибор топади.
Tush.UZ - Tushlar tabiri