EGAR (POLON) Ibn Sirin (r.a.)ning aytishicha, tushdagi egar xotinni bildiradi. Agar egarga ega bo‘lganini yoki biror kimsadan pulga sotib olganini ko‘rsa, xotin olishi yoki kanizak sotib olishini bildiradi. Agar orqasida egar borligini ko‘rsa, xotinga bo‘ysunuvchi va farmonbardor bo‘lishiga dalildir. Agar egari yo‘qolganini ko‘rsa, xotinidan judo bo‘lishi yoki taloq qilishiga dalildir. Agar egari sinib qolganini ko‘rsa, xotini o‘ladi yoki bemor bo‘ladi. Agar egarining tilla yoki kumush bilan ziynat berilganini ko‘rsa, xotini xudbin va takabbur bo‘lishini bildiradi. Agar egarining qora ekanini va hech qanday ziynati yo‘q ekanini ko‘rsa, xotini porso va dindor bo‘lishiga dalildir. Jobir Mag‘ribiy (r.a.) aytadiki, agar har kim tushida pokiza va yangi egarga ega bo‘lganini ko‘rsa, soliha va mastura ayolga uylanishini va undan xayru manfaat ko‘rishini bildiradi. Agar qo‘pol va kir egarga ega bo‘lganini ko‘rsa, urushqoq va quloq solmaydigan xotin olishini va undan zararlar ko‘rishini bildiradi. Ja’far Sodiq (r.a.)ning aytishicha, tushdagi egar yetti narsaga dalildir: ulug‘likka; izzatga; martabaga; rayosatga; yuksaklikka; yaqinlikka; ulug‘ odamga yetishishga. Tushdagi egar yasovchi dallol ayol bo‘lib, dallollik uning ishidir. Vallohu a’lam bi-s-savob.
ЭГАР (ПОЛОН) Ибн Сирин (р.а.)нинг айтишича, тушдаги эгар хотинни билдиради. Агар эгарга эга бўлганини ёки бирор кимсадан пулга сотиб олганини кўрса, хотин олиши ёки канизак сотиб олишини билдиради. Агар орқасида эгар борлигини кўрса, хотинга бўйсунувчи ва фармонбардор бўлишига далилдир. Агар эгари йўқолганини кўрса, хотинидан жудо бўлиши ёки талоқ қилишига далилдир. Агар эгари синиб қолганини кўрса, хотини ўлади ёки бемор бўлади. Агар эгарининг тилла ёки кумуш билан зийнат берилганини кўрса, хотини худбин ва такаббур бўлишини билдиради. Агар эгарининг қора эканини ва ҳеч қандай зийнати йўқ эканини кўрса, хотини порсо ва диндор бўлишига далилдир. Жобир Мағрибий (р.а.) айтадики, агар ҳар ким тушида покиза ва янги эгарга эга бўлганини кўрса, солиҳа ва мастура аёлга уйланишини ва ундан хайру манфаат кўришини билдиради. Агар қўпол ва кир эгарга эга бўлганини кўрса, урушқоқ ва қулоқ солмайдиган хотин олишини ва ундан зарарлар кўришини билдиради. Жаъфар Содиқ (р.а.)нинг айтишича, тушдаги эгар етти нарсага далилдир: улуғликка; иззатга; мартабага; раёсатга; юксакликка; яқинликка; улуғ одамга етишишга. Тушдаги эгар ясовчи даллол аёл бўлиб, даллоллик унинг ишидир. Валлоҳу аълам би-с-савоб.