HIKOYAT. Aytishlaricha, bir kishi Sulaymon alayhissalomning huzuriga keldi va dedi: Ey payg‘ambar, tushimda bezatilgan bir bog‘ ko‘rdim, unda mevalar juda serob edi, bog‘da bir katta cho‘chqaning o‘tirganini ko‘rdim, menga: Bu bog‘ mana shu cho‘chqaniki, — deyishdi, men bu holdan hayratga tushdim. Bog‘da yana boshqa ko‘pgina cho‘chqalarni ko‘rdim, ular meva yeyishar edi, menga: Bu cho‘chqalar mana shu katta cho‘chqaning buyrug‘i bilan meva yeyishmoqda, — dedilar. Sulaymon alayhissalom dedilar: Bu katta cho‘chqa zolim va sitamgar podshohdir, boshqa cho‘chqalar esa zolim podshohga itoat qilib, harom yeyishga odatlangan olimlardir, ular dinlarini dunyoga sotganlar, Xaq ta’olo azobidan qo‘rqmaganlardir. X,azrati Sodiq (r.a.)ning aytishicha, tushda bog‘ ko‘rish yetti narsani bildiradi: ayolni; yaxshi xotinni va farzandni; yoqimli hayotni; molni; oliylikni; shodlikni va kanizakni. Kishi tushida bog‘bonlik qilsa, boy xotin oladi, uning ishlarini amalga oshiradi va u bilan yaxshi yashaydi. Ba’zi ta’birchilarning aytishlaricha, tushdagi bog‘ uch narsaga belgidir: erlik ishlariga; ayol ish boshqaruvchisiga; ko‘z qorachug‘i bo‘lgan farzand.
ҲИКОЯТ. Айтишларича, бир киши Сулаймон алайҳиссаломнинг ҳузурига келди ва деди: Эй пайғамбар, тушимда безатилган бир боғ кўрдим, унда мевалар жуда сероб эди, боғда бир катта чўчқанинг ўтирганини кўрдим, менга: Бу боғ мана шу чўчқаники, — дейишди, мен бу ҳолдан ҳайратга тушдим. Боғда яна бошқа кўпгина чўчқаларни кўрдим, улар мева ейишар эди, менга: Бу чўчқалар мана шу катта чўчқанинг буйруғи билан мева ейишмоқда, — дедилар. Сулаймон алайҳиссалом дедилар: Бу катта чўчқа золим ва ситамгар подшоҳдир, бошқа чўчқалар эса золим подшоҳга итоат қилиб, ҳаром ейишга одатланган олимлардир, улар динларини дунёга сотганлар, Хақ таъоло азобидан қўрқмаганлардир. Х,азрати Содиқ (р.а.)нинг айтишича, тушда боғ кўриш етти нарсани билдиради: аёлни; яхши хотинни ва фарзандни; ёқимли ҳаётни; молни; олийликни; шодликни ва канизакни. Киши тушида боғбонлик қилса, бой хотин олади, унинг ишларини амалга оширади ва у билан яхши яшайди. Баъзи таъбирчиларнинг айтишларича, тушдаги боғ уч нарсага белгидир: эрлик ишларига; аёл иш бошқарувчисига; кўз қорачуғи бўлган фарзанд.
Tush.UZ - Tushlar tabiri