Tushda Echki - Эчки ko'rsa

ECHKI (BO‘Z) Ibn Sirin (r.a.)ning aytishicha, tushda echki ulug‘ bir kishini bildiradi. Moda echki esa ayolni bildiradi. Agar notanish echkini o‘ldirganini ko‘rsa, ulug‘ bir kishining g‘alaba qazonishini anglatadi. Agar echkining po‘stini shilib olganini ko‘rsa, ko‘p molni qo‘lga kiritishga va g‘amlab qo‘yishiga dalildir. Agar uning go‘shtidan iste’mol qilayotganini ko‘rsa, molni qo‘lga kiritishga dalildir. Agar echkini minganini va har tomonga yurgizayotganini ko‘rsa, bir ulug‘ kishiga hiyla va nayrang ko‘rsatadi va o‘sha kishining xohlagan yo‘liga yurgizishiga dalildir. Agar echki orqasidan kelib, uni yiqitib yuborganini ko‘rsa, u kishining izzat-obro‘sining to‘kilishiga dalildir. Echkining har bir shoxini sindirib yuborganini ko‘rsa, birovni amaldan qaytarishini bildiradi. Agar echki shoxlarining uzun va mustahkam ekanligini yoki ortiqcha bo‘lib qolganini ko‘rsa, uning amali ulug‘ va mahkam bo‘lishiga, boshqalar ustidan zafar qazonishiga dalildir. Agar echkining soqoli ko‘payib qolganini ko‘rsa, molining ziyoda bo‘lishiga dalildir. Agar yungini olganini ko‘rsa, yungining oz-ko‘pligiga qarab, o‘z farzandidan molga ega bo‘lishini bildiradi. Agar moda echkini qo‘lga kiritsa yoki birov unga hadya qilganini ko‘rsa, xotin olishiga dalildir. Kirmoniy (r.a.)ning aytishicha, echkini sog‘ib, ichayotganini ko‘rsa, birorta ayoldan mol topishiga dalildir. Agar moda echkini so‘ysa va uning go‘shtidan yesa, o‘sha xotindan hojatlari ravo bo‘lishini bildiradi. Agar moda echkini go‘sht uchun so‘ymaganini ko‘rsa, bir ayolni nikohiga olishi, biroq undan foyda ko‘rmasligini bildiradi. Agar moda echkining o‘z uyidan chiqib ketayotganini ko‘rsa, xotinini taloq qilishiga dalildir. Agar echkilar podasi uyida borligini ko‘rsa yoki o‘z mulki bo‘lmish boshqa joyga haydab borayotganini ko‘rsa, shu echkilar miqdoriga muvofiq molu ne’mat hamda davlatini qo‘lga kiritishiga dalil bo‘ladi. Agar echki hamda qo‘ylarni podasini dalada o‘tlatib yurganini va qayerga xohlasa o‘sha yerga olib borayotganini ko‘rsa, Arab yoki Ajam viloyatlarning biriga hokim bo‘lishini bildiradi. Jobir Mag‘ribiy (r.a.)ning aytishicha, agar moda echkining go‘shtidan iste’mol qilayotganini ko‘rsa, kasal bo‘lishi, biroq tezda shifo topishini bildiradi. Echkining terisi, yungi va suti tushda xayru barakani bildiradi. Agar echki bolasini unga berganlarini yoki topib olganini yoki sotib olganini ko‘rsa, uyida muborak farzand tug‘ilishiga dalildir. Agar echkining bolasini so‘yganini ko‘rsa, farzandi xalok bo‘lishini bildiradi. Agar echki bolasining go‘shtidan yeganini ko‘rsa, farzandining molidan unga yetishini bildiradi. Ja’far Sodiq (r.a.) aytadiki, tushdagi echki lashkarning ilg‘or qismini bildiradi. Agar bir kishi echki topib olsa va unga minsa, lashkarning avvalgi qismida bo‘lishiga dalildirAgar bu tushni ko‘ruvchi oddiy odam bo‘lsa, lashkarning ilg‘or qismi bilan uchrashuvini bildiradi va kuch-quvvat egasi bo‘ladi. Ja’far Sodiq (r.a.) hikoya qiladilar: Men payg‘ambardan eshitdimki, ular shunday dedilar: Har kim tushida echki sotib olsa va uyiga olib kelsa, undan qirqta darvish uzoqlashadi. Tushdagi echkifurush erkak va ayollarni jam qiladigan erkakdir. Kirmoniy (r.a.) aytadiki, tushda moda echkini ko‘rmoq va uning go‘shtidan yemoq mol yig‘moqqa dalildir. Jobir Mag‘ribiy (r.a.) aytadiki, moda echkini ko‘rmoq va go‘shtidan yemoq agar uning ta’mi shirin bo‘lsa, xayru manfaat bo‘lib, yaxshilikka dalildir. Agar ta’mi noxush bo‘lsa, g‘amu anduhga sababdir.


ЭЧКИ (БЎЗ) Ибн Сирин (р.а.)нинг айтишича, тушда эчки улуғ бир кишини билдиради. Мода эчки эса аёлни билдиради. Агар нотаниш эчкини ўлдирганини кўрса, улуғ бир кишининг ғалаба қазонишини англатади. Агар эчкининг пўстини шилиб олганини кўрса, кўп молни қўлга киритишга ва ғамлаб қўйишига далилдир. Агар унинг гўштидан истеъмол қилаётганини кўрса, молни қўлга киритишга далилдир. Агар эчкини минганини ва ҳар томонга юргизаётганини кўрса, бир улуғ кишига ҳийла ва найранг кўрсатади ва ўша кишининг хоҳлаган йўлига юргизишига далилдир. Агар эчки орқасидан келиб, уни йиқитиб юборганини кўрса, у кишининг иззат-обрўсининг тўкилишига далилдир. Эчкининг ҳар бир шохини синдириб юборганини кўрса, бировни амалдан қайтаришини билдиради. Агар эчки шохларининг узун ва мустаҳкам эканлигини ёки ортиқча бўлиб қолганини кўрса, унинг амали улуғ ва маҳкам бўлишига, бошқалар устидан зафар қазонишига далилдир. Агар эчкининг соқоли кўпайиб қолганини кўрса, молининг зиёда бўлишига далилдир. Агар юнгини олганини кўрса, юнгининг оз-кўплигига қараб, ўз фарзандидан молга эга бўлишини билдиради. Агар мода эчкини қўлга киритса ёки биров унга ҳадя қилганини кўрса, хотин олишига далилдир. Кирмоний (р.а.)нинг айтишича, эчкини соғиб, ичаётганини кўрса, бирорта аёлдан мол топишига далилдир. Агар мода эчкини сўйса ва унинг гўштидан еса, ўша хотиндан ҳожатлари раво бўлишини билдиради. Агар мода эчкини гўшт учун сўймаганини кўрса, бир аёлни никоҳига олиши, бироқ ундан фойда кўрмаслигини билдиради. Агар мода эчкининг ўз уйидан чиқиб кетаётганини кўрса, хотинини талоқ қилишига далилдир. Агар эчкилар подаси уйида борлигини кўрса ёки ўз мулки бўлмиш бошқа жойга ҳайдаб бораётганини кўрса, шу эчкилар миқдорига мувофиқ молу неъмат ҳамда давлатини қўлга киритишига далил бўлади. Агар эчки ҳамда қўйларни подасини далада ўтлатиб юрганини ва қаерга хоҳласа ўша ерга олиб бораётганини кўрса, Араб ёки Ажам вилоятларнинг бирига ҳоким бўлишини билдиради. Жобир Мағрибий (р.а.)нинг айтишича, агар мода эчкининг гўштидан истеъмол қилаётганини кўрса, касал бўлиши, бироқ тезда шифо топишини билдиради. Эчкининг териси, юнги ва сути тушда хайру баракани билдиради. Агар эчки боласини унга берганларини ёки топиб олганини ёки сотиб олганини кўрса, уйида муборак фарзанд туғилишига далилдир. Агар эчкининг боласини сўйганини кўрса, фарзанди халок бўлишини билдиради. Агар эчки боласининг гўштидан еганини кўрса, фарзандининг молидан унга етишини билдиради. Жаъфар Содиқ (р.а.) айтадики, тушдаги эчки лашкарнинг илғор қисмини билдиради. Агар бир киши эчки топиб олса ва унга минса, лашкарнинг аввалги қисмида бўлишига далилдирАгар бу тушни кўрувчи оддий одам бўлса, лашкарнинг илғор қисми билан учрашувини билдиради ва куч-қувват эгаси бўлади. Жаъфар Содиқ (р.а.) ҳикоя қиладилар: Мен пайғамбардан эшитдимки, улар шундай дедилар: Ҳар ким тушида эчки сотиб олса ва уйига олиб келса, ундан қирқта дарвиш узоқлашади. Тушдаги эчкифуруш эркак ва аёлларни жам қиладиган эркакдир. Кирмоний (р.а.) айтадики, тушда мода эчкини кўрмоқ ва унинг гўштидан емоқ мол йиғмоққа далилдир. Жобир Мағрибий (р.а.) айтадики, мода эчкини кўрмоқ ва гўштидан емоқ агар унинг таъми ширин бўлса, хайру манфаат бўлиб, яхшиликка далилдир. Агар таъми нохуш бўлса, ғаму андуҳга сабабдир.
Tush tabirini qidiring.
Tavsiya qilamiz
Яндекс.Метрика