YULDUZLAR (SITORAGON) Doniyol alayhissalomning aytishlaricha, tushdagi yulduzlar ulug‘larni va amirlarni bildiradi. Quyosh podshohga, oy vazirlarga dalildir. Tushida Zuhal yulduzini ko‘rsa, dehqonlar bilan shug‘ullanishi va ularga molu ne’mat yetqazishiga dalildir, biroq u pastkash, baxil, makkor va aldoqchi bo‘ladi. Tushida Mushtariy yulduzini ko‘rsa, uning taqvodor, solih va yaxshiliklar qiluvchi kishiga ishi tushishiga dalildir, bunday kishi adolatli, insofli va parhezgar bo‘ladi. Agar tushida Mirrix yulduzini ko‘rsa, uning qonxo‘r va badfe’l lashkarboshiga ishi tushishiga dalildir. Tushida Zuhra yulduzini ko‘rsa, uning xodimlar, xotinlar va ulug‘vor ayollar bilan bog‘liq bo‘lishiga, ulardan yaxshilik va rohat topishiga dalildir. Utorud yulduzini ko‘rsa, olimlar, donolar va hakimlar bilan aloqasi bo‘lishi yee ulardan foydalar topishiga dalildir. Agar yulduzlardan biri u bilan so‘zlashganini ko‘rsa, qadr va obro‘ topishiga dalildir. Agar ravshan bir yulduzning yerga tushganini va yorug‘i yo‘q bo‘lganini ko‘rsa, o‘sha diyorning ulug‘ bir olimi halok bo‘lishiga dalildir. Yorqin yulduzlar olimlarni bildiradi. Alloh ta’olo aytadi: . . .Yulduzlar bilan esa ular yo‘l topurlar (Nahl surasi, 16-oyat). Agar yulduzlarning silkinayotganini ko‘rsa, podshohlar va ulug‘lar orasida fitna va g‘avg‘o yuz berishiga dalildir. Agar osmondagi bir yulduz boshiga qo‘nganini ko‘rsa, o‘sha yulduzning nuriga yarasha podshohdan molu ne’mat topishiga dalildir. Agar yulduzni qo‘li bilan olganini ko‘rsa, farzand tug‘ilishi va bu farzand podshohning yaqini bo‘lishiga daliddir. Agar uyi ichida yulduzni ko‘rsa, farzandlari ko‘p bo‘lishiga dalildir. Kirmoniyning aytishicha, agar yulduzlarning tarqalib va sochilib ketganini ko‘rsa, podshohlar tarqab ketishi va ishlarining yomon bo‘lishiga dalildir. Agar baxtli (sa’d) yulduzlarning o‘zaro yig‘ilganini va ularning yaxshi holatda ekanliklarini ko‘rsa, podshohlarning ishlari yaxshi va yoqimli bo‘lishiga dalildir. Agar yulduzlarni yeb yuborayotganini ko‘rsa, podshohdan manfaat topishiga dalildir. Agar tush egasi yulduzlarning uyidan chiqib ketayotganini ko‘rsa, farzandlari podshohning yaqinlari bo‘lishiga dalildir. Agar yulduzlar unga mute va farmonbardor ekanini ko‘rsa, podshohlik topishiga dalildir. Agar yulduzlar bilan yaxshi so‘zlashayotganini ko‘rsa, podshoh odil va adolatparvar bo‘lishiga dalildir. Agar buning aksini ko‘rsa, podshoh zolim va sitamgar bo‘lishini bildiradi. Agar yulduzlarning o‘zaro jang qilayotganlarini ko‘rsa, o‘sha diyorda jangu jadal bo‘lishiga dalildir. Agar yulduzlarni olib, yengiga solayotganini ko‘rsa, mol hosil qilishiga dalildir. Jobirning aytishicha, yulduzlardan bittasi uning qarshisida oshifta va hayron ekanini va quchog‘iga tushganini ko‘rsa, uning oilasida aziz va qadrli bir farzand tug‘ilishiga dalildir. Agar baxt yulduzi (sitorai toli’) o‘z manzilida ekanini ko‘rsa, ngsli ziyoda bo‘lishiga dalildir. Agar yulduzni o‘payotganini ko‘rsa, podshoh lashkaridagi bir ulug‘ odamga xizmat qilishiga dalildir. Kirmoniyning aytishicha, yo‘lchi yulduzlarni ko‘rish xayriyat, ulug‘lik va foydaga dalildir. Odamlar topinadigan yulduzlarni ko‘rish yomonlik va zararga dalildir. Hazrati Sodiq (r.a.)ning aytishicha tushdagi yulduzlar to‘qqiz narsani bildiradi: faqih (huquqshunoslarni); olimni; qozilarni; xalifalarni; rizqni; kotiblarni; xazinachilarni; jangchi odamlarni; shogirdlarni. Agar bir yulduzga ega bo‘lganini ko‘rsa, yuqorida aytilgan qismdagi odamlar ustidan farmonbardor bo‘lishiga va bu toifa odamlardan foydali yo‘l topishiga dalildir. Aytishlaricha, Bag‘dodda bir yaxshi kishi tushida bir yorug‘ yulduzning yerga yiqilganini ko‘ribdi va ta’birchining oldiga borib, bu voqeaning ta’birini so‘rabdi. Ta’birchi unga: Bir fozil olim yoki qozi o‘ladi — debdi. O‘sha hafta Abu Hanifa (Imomi A’zam) vafot qilgan ekan.
ЮЛДУЗЛАР (СИТОРАГОН) Дониёл алайҳиссаломнинг айтишларича, тушдаги юлдузлар улуғларни ва амирларни билдиради. Қуёш подшоҳга, ой вазирларга далилдир. Тушида Зуҳал юлдузини кўрса, деҳқонлар билан шуғулланиши ва уларга молу неъмат етқазишига далилдир, бироқ у пасткаш, бахил, маккор ва алдоқчи бўлади. Тушида Муштарий юлдузини кўрса, унинг тақводор, солиҳ ва яхшиликлар қилувчи кишига иши тушишига далилдир, бундай киши адолатли, инсофли ва парҳезгар бўлади. Агар тушида Миррих юлдузини кўрса, унинг қонхўр ва бадфеъл лашкарбошига иши тушишига далилдир. Тушида Зуҳра юлдузини кўрса, унинг ходимлар, хотинлар ва улуғвор аёллар билан боғлиқ бўлишига, улардан яхшилик ва роҳат топишига далилдир. Уторуд юлдузини кўрса, олимлар, донолар ва ҳакимлар билан алоқаси бўлиши еэ улардан фойдалар топишига далилдир. Агар юлдузлардан бири у билан сўзлашганини кўрса, қадр ва обрў топишига далилдир. Агар равшан бир юлдузнинг ерга тушганини ва ёруғи йўқ бўлганини кўрса, ўша диёрнинг улуғ бир олими ҳалок бўлишига далилдир. Ёрқин юлдузлар олимларни билдиради. Аллоҳ таъоло айтади: . . .Юлдузлар билан эса улар йўл топурлар (Наҳл сураси, 16-оят). Агар юлдузларнинг силкинаётганини кўрса, подшоҳлар ва улуғлар орасида фитна ва ғавғо юз беришига далилдир. Агар осмондаги бир юлдуз бошига қўнганини кўрса, ўша юлдузнинг нурига яраша подшоҳдан молу неъмат топишига далилдир. Агар юлдузни қўли билан олганини кўрса, фарзанд туғилиши ва бу фарзанд подшоҳнинг яқини бўлишига далиддир. Агар уйи ичида юлдузни кўрса, фарзандлари кўп бўлишига далилдир. Кирмонийнинг айтишича, агар юлдузларнинг тарқалиб ва сочилиб кетганини кўрса, подшоҳлар тарқаб кетиши ва ишларининг ёмон бўлишига далилдир. Агар бахтли (саъд) юлдузларнинг ўзаро йиғилганини ва уларнинг яхши ҳолатда эканликларини кўрса, подшоҳларнинг ишлари яхши ва ёқимли бўлишига далилдир. Агар юлдузларни еб юбораётганини кўрса, подшоҳдан манфаат топишига далилдир. Агар туш эгаси юлдузларнинг уйидан чиқиб кетаётганини кўрса, фарзандлари подшоҳнинг яқинлари бўлишига далилдир. Агар юлдузлар унга муте ва фармонбардор эканини кўрса, подшоҳлик топишига далилдир. Агар юлдузлар билан яхши сўзлашаётганини кўрса, подшоҳ одил ва адолатпарвар бўлишига далилдир. Агар бунинг аксини кўрса, подшоҳ золим ва ситамгар бўлишини билдиради. Агар юлдузларнинг ўзаро жанг қилаётганларини кўрса, ўша диёрда жангу жадал бўлишига далилдир. Агар юлдузларни олиб, енгига солаётганини кўрса, мол ҳосил қилишига далилдир. Жобирнинг айтишича, юлдузлардан биттаси унинг қаршисида ошифта ва ҳайрон эканини ва қучоғига тушганини кўрса, унинг оиласида азиз ва қадрли бир фарзанд туғилишига далилдир. Агар бахт юлдузи (ситораи толиъ) ўз манзилида эканини кўрса, нгсли зиёда бўлишига далилдир. Агар юлдузни ўпаётганини кўрса, подшоҳ лашкаридаги бир улуғ одамга хизмат қилишига далилдир. Кирмонийнинг айтишича, йўлчи юлдузларни кўриш хайрият, улуғлик ва фойдага далилдир. Одамлар топинадиган юлдузларни кўриш ёмонлик ва зарарга далилдир. Ҳазрати Содиқ (р.а.)нинг айтишича тушдаги юлдузлар тўққиз нарсани билдиради: фақиҳ (ҳуқуқшуносларни); олимни; қозиларни; халифаларни; ризқни; котибларни; хазиначиларни; жангчи одамларни; шогирдларни. Агар бир юлдузга эга бўлганини кўрса, юқорида айтилган қисмдаги одамлар устидан фармонбардор бўлишига ва бу тоифа одамлардан фойдали йўл топишига далилдир. Айтишларича, Бағдодда бир яхши киши тушида бир ёруғ юлдузнинг ерга йиқилганини кўрибди ва таъбирчининг олдига бориб, бу воқеанинг таъбирини сўрабди. Таъбирчи унга: Бир фозил олим ёки қози ўлади — дебди. Ўша ҳафта Абу Ҳанифа (Имоми Аъзам) вафот қилган экан.
Tush.UZ - Tushlar tabiri