YURAK (DIL) Bilginki, yurak tan shahrining podshohidir, tan uning farmoni bilan barqaror, yurak aqlning xazinasidir. Ibn Sirin (r.a.) aytadi: Tushda yurakni ko‘rish o‘ziga tegadigan molu davlatni jamlashdir. Yuragi tanidan tashqarida bo‘lsa, yaxshilik va sozlikka dalildir. Alloh ta’olo aytadi: (Alloh) huzurida faqat U izn bergan kishilarning shafoati (oqlovi)gina foyda berur. To qachonki, (izn berilib) dillaridan qo‘rquv ketkazilgach, ular (bir-birlariga): Parvardigoringiz nima dedi (izn berdimi)? deb (savol qilishib), Haqni (aytdi, shafoatga izn berdi), U oliy va buyuk zotdir, deb (javob qilurlar) (Saba’ surasi, 23-oyat). Yuragi diltang bo‘lganini ko‘rsa, ishlarning og‘irlashuviga dalildir. Yuragi shod ekanini ko‘rsa, ishlari yurishiga dalildir. Yuragini qo‘lida ko‘rsa, bemor bo‘lishiga dalildir. Yuragini ikki qo‘li bilan ushlab turganini ko‘rsa, ishlari yaxshi bo‘lishiga dalildir. Kirmoniy (r.a.) aytadi: Yuragi og‘riyotganini ko‘rsa, moli ziyoda bo‘lishiga dalil bo‘ladi. Yuragining ko‘zlari ochilganini ko‘rsa, ikki dunyo ishlariga haris va rag‘bat ko‘rsatuvchi bo‘lishiga dalildir. Yuragidan qon oqayotganini ko‘rsa, nomaqbul ishlardan qaytishi va Xudoga tavba qilishiga dalolat qiladi. Yuragidan safro chiqayotganini ko‘rsa, beg‘am bo‘ladi. Yuragidan gavhar chiqqanini va bu gavhar og‘iz orqali tashqariga chiqqanini ko‘rsa, diyonatsiz bo‘lishiga dalildir. Chiqqan gavharni yerdan olsa va yana yesa, dinga qayta kiradi. Jobir Mag‘ribiy (r.a.) aytadi: Yuragining pora-pora bo‘lganini ko‘rsa, yuragining har xil hoyu havaslar bilan mashg‘ul bo‘lishiga dalildir. Yuragi ravshan va munavvar ekanini ko‘rsa, dinning sog‘lomligiga dalildir. Ja’far Sodiq (r.a.) aytadi: Tushdagi yurak o‘n narsaga dadolat qiladi: molga; rahbarlikka; farzandga; shijoatga; olijanoblikka; hirsga; quvvatga; g‘alabaga; shahvatga; o‘z holini pinhon tutishga.
ЮРАК (ДИЛ) Билгинки, юрак тан шаҳрининг подшоҳидир, тан унинг фармони билан барқарор, юрак ақлнинг хазинасидир. Ибн Сирин (р.а.) айтади: Тушда юракни кўриш ўзига тегадиган молу давлатни жамлашдир. Юраги танидан ташқарида бўлса, яхшилик ва созликка далилдир. Аллоҳ таъоло айтади: (Аллоҳ) ҳузурида фақат У изн берган кишиларнинг шафоати (оқлови)гина фойда берур. То қачонки, (изн берилиб) дилларидан қўрқув кетказилгач, улар (бир-бирларига): Парвардигорингиз нима деди (изн бердими)? деб (савол қилишиб), Ҳақни (айтди, шафоатга изн берди), У олий ва буюк зотдир, деб (жавоб қилурлар) (Сабаъ сураси, 23-оят). Юраги дилтанг бўлганини кўрса, ишларнинг оғирлашувига далилдир. Юраги шод эканини кўрса, ишлари юришига далилдир. Юрагини қўлида кўрса, бемор бўлишига далилдир. Юрагини икки қўли билан ушлаб турганини кўрса, ишлари яхши бўлишига далилдир. Кирмоний (р.а.) айтади: Юраги оғриётганини кўрса, моли зиёда бўлишига далил бўлади. Юрагининг кўзлари очилганини кўрса, икки дунё ишларига ҳарис ва рағбат кўрсатувчи бўлишига далилдир. Юрагидан қон оқаётганини кўрса, номақбул ишлардан қайтиши ва Худога тавба қилишига далолат қилади. Юрагидан сафро чиқаётганини кўрса, беғам бўлади. Юрагидан гавҳар чиққанини ва бу гавҳар оғиз орқали ташқарига чиққанини кўрса, диёнатсиз бўлишига далилдир. Чиққан гавҳарни ердан олса ва яна еса, динга қайта киради. Жобир Мағрибий (р.а.) айтади: Юрагининг пора-пора бўлганини кўрса, юрагининг ҳар хил ҳою ҳаваслар билан машғул бўлишига далилдир. Юраги равшан ва мунаввар эканини кўрса, диннинг соғломлигига далилдир. Жаъфар Содиқ (р.а.) айтади: Тушдаги юрак ўн нарсага дадолат қилади: молга; раҳбарликка; фарзандга; шижоатга; олижанобликка; ҳирсга; қувватга; ғалабага; шаҳватга; ўз ҳолини пинҳон тутишга.
Tush.UZ - Tushlar tabiri