Germaniya 13 ta o‘rtoqlik uchrashuvidan buyon mag‘lub bo‘lmayapti

Germaniya terma jamoasi o‘rtoqlik o‘yinlaridagi mag‘lubiyatsiz seriyasini uzaytirdi.

Xans-Diter Flik shogirdlari 12 va 33-daqiqalarda Niklas Fyullkrugning dubli evaziga Peru terma jamoasini mag‘lub etdi (2:0).

Orta xabariga ko‘ra, Germaniya ketma-ket 13 ta o‘rtoqlik uchrashuvida mag‘lub bo‘lmagan (8 g‘alaba va besh durang), 1994-1996 yillardagi shaxsiy eng yaxshi natijasini takrorlagan.

Germaniya terma jamoasining navbatdagi o‘yini 28 mart kuni bo‘lib o‘tadi - raqib Belgiya terma jamoasi bo‘ladi.

Eslatib o‘tamiz, aynan Germaniyada 2024 yilgi Yevropa chempionatining final bosqichi bo‘lib o‘tadi, shu munosabat bilan terma jamoa saralash turnirida ishtirok etmaydi.

Joylangan vaqt : (26 Mart 2023 в 07:00)
Manba: www.stadion.uz