"Yuventus" o‘z futbolchisini sotishga tayyor

Turinning "Yuventus" klubi bir yil oldin "Torino"dan sotib olgan markaziy himoyachisi Gleyson Bremer bilan xayrlashishga tayyor.

Tuttosport nashri xabariga ko‘ra, agar "keksa sinyora"ga kamida 60 million yevrolik taklif tushsa, braziliyalik himoyachi ketishi mumkin.

Eslatib o‘tamiz, Bremer o‘tgan mavsumda markaziy himoyachilar o‘rtasida 4 ta gol urib, A Seriyaning eng yaxshi to‘purari bo‘lgandi. Braziliyalik futbolchi "Yuventus"ga o‘tishdan oldin Italiya chempionatida 2021/22 yilgi mavsumning eng yaxshi himoyachisi unvonini olgandi.

Joylangan vaqt : (16 Iyun 2023 в 14:30)
Manba: www.stadion.uz