Tush.UZ - Tushlar tabiriBuenos-Ayresda (Argentina) Libertadores kubogi 1/8 finalining birinchi o‘yini bo‘lib o‘tdi va unda mahalliy "Argentinos Xuniors" Braziliyaning "Fluminense" klubi bilan durang o‘ynadi.
Uchrashuvning ikkinchi yarmida dahshatli epizod yuz berdi. "Real"ning sobiq futbolchisi Marselo dribling paytida tasodifan raqibining oyog‘ini sindirib qo‘ydi. Braziliyalik himoyachi Luchiano Sanchesni aylanib o‘tishga urindi, biroq uning ustiga qadam bosdi. Bu vaqtda Sanches oyog‘ini oldinga tashlab, muvozanatni saqlab qolmoqchi bo‘lgandi. Biroq, bu Sanchesning oyog‘ini sinishiga sabab bo‘ldi.
Bu voqeadan keyin Marselo to‘g‘ridan-to‘g‘ri qizil kartochka oldi. Braziliyalik futbolchi raqibga jarohat yetkazishni istamasligini ta’kidlab, maydonni yig‘lab tark etdi.