Tush.UZ - Tushlar tabiriOzarboyjonda shaxmat bo‘yicha jahon kubogiga start berildi. Dastlabki 3 kun davomida ilk saralash bosqichi o‘yinlari o‘tkazildi.
Javohir Sindorov va Nodirbek Yakubboyev raqiblarga qarshi ikkitadan o‘yinda g‘alaba qozonib, keyingi bosqichga yo‘l olishdi.
Shamsiddin Vohidov va ozarbayjonlik Abdulla Gadimbayli o‘rtasidagi ikki o‘yinda durang qayd etildi. Ular o‘rtasidagi tay-brekda esa mezbon sportchisi g‘alaba qozondi.
Jahon kubogidagi yagona ayol shaxmatchimiz Nilufar Yakubboyeva ham ilk bosqichdayoq muvaffaqiyatsizlikka uchrab, turnirni tark etdi.
Nodirbek Abdusattorov jahon kubogi bahslariga ikkinchi bosqichdan qo‘shiladi.
Shaxmat bo‘yicha Jahon kubogining 1/64 bosqichida hamyurtlarimizning raqiblari:
Nodirbek Abdusattorov turkiyalik Vahob Sanal bilan;
Javohir Sindorov avstriyalik Markus Ragge bilan;
Nodirbek Yakubboyev vengriyalik Benjamin Gredura bilan kuch sinashadi.
O‘yinlar 2 ta partiyadan iborat va bugun birinchi partiya bo‘ladi.