Tush.UZ - Tushlar tabiriLa Liga rahbari Xavyer Tebas "Real"ning shikoyatidan so‘ng o‘z lavozimidan chetlatilishi mumkin.
Relevo xabariga ko‘ra, Madrid klubi La Liganing CVC jamg‘armasi bilan kelishuvi bo‘yicha Tebas ustidan Ispaniya sport sudiga shikoyat qilgan, unga ko‘ra birinchi va ikkinchi divizion klublariga transfer evaziga 2 milliard yevroga yaqin mablag‘ ajratiladi. 50 yil muddatga televideniye huquqlarining bir qismi sifatida belgilangan edi.
Kelishuvni "Real Madrid", "Barselona" va "Atletik"dan tashqari barcha La Liga klublari qo‘llab-quvvatladi, biroq Kataloniya klubi keyinchalik kelishuvning qonuniyligi bo‘yicha sud jarayonlarida ishtirok etishdan bosh tortdi.
"Real Madrid"ning shikoyatida qayd etilishicha, klub o‘zini noqulay his qilmoqda, chunki shartnoma bo‘yicha qaror qabul qilingan uchrashuv haqida to‘g‘ri ma’lumot berilmagan.
Madrid klubi, shuningdek, sud bu masalada La Liga tarafini olganiga qaramay, ispan futbolini translyasiya qilish huquqini nazorat qiluvchi tashkilotdan o‘zlarining chiqarib yuborilishini noqonuniy deb atadi.
Xavyer Tebasga nisbatan intizomiy ish kelasi payshanba kuniga qadar ochilishi kutilmoqda. Jarayon davomida La Liga prezidenti lavozimidan chetlatilishi mumkin.