U23 Osiyo kubogi. O‘zbekiston turnirni g‘alaba bilan boshladi

U-23 Osiyo Kubogi doirasida O‘zbekiston 17 aprel, chorshanba kuni Malayziyaga qarshi bahs olib bordi.

Uchrashuvning 11-daqiqasida Jasur Jaloliddinov penaltini aniq amalga oshirib, hisobni ochdi. Birinchi bo‘lim o‘zbekistonliklarning kichik hisobdagi ustunligi bilan yakunlandi.

Ikkinchi bo‘limda ham Timur Kapadze shogirdlari hujumkor o‘yin namoyish etdi. Faqatgina 83-daqiqaga kelib, hisob o‘zgardi. Zaxiradan maydonga tushirilgan Ulug‘bek Hoshimov hisobni ishonchli ko‘rinishga olib keldi.

Shu tariqa O‘zbekiston U-23 terma jamoasi guruh bosqichidagi ilk o‘yinini g‘alaba bilan boshladi. Guruhning yana bir o‘yinida Vetnam Kuvaytga qarshi bahs olib boradi.

Timur Kapadze jamoasi 2-tur o‘yinini 20 aprel kuni Kuvaytga qarshi o‘tkazadi.

U-23 Osiyo kubogi, 1-tur
17 aprel, chorshanba
O‘zbekiston U-23 – Malayziya U-23 2:0
Gollar: 1:0 — 11 Jaloliddinov (penalti), 2:0 — 83 Hoshimov.
O‘zbekiston U-23: 1. Abduvohid Ne’matov, 2. Saidazamat Mirsaidov, 5. Muhammadqodir Hamraliyev, 10. Jasurbek Jaloliddinov (Ibrohim Ibragimov, 74), 11. Otabek Jo‘raqo‘ziyev (Husayn Norchayev,46), 13. Mahmud Mahamadjonov, 15. Umarali Rahmonaliyev (Diyor Xolmatov,63), 18. Alibek Davronov, 20. Ruslanbek Jiyanov (Ulug‘bek Hoshimov, 63), 22. Alisher Odilov, 23. Abdurauf Bo‘riyev.
Malayziya U-23: 16. Azim Al Amin, 3. Ubaidullah Shamsul, 5. Xarit Haiqal Adam Afkar, 7. Muhairi Ajmal (18. Daril Sham,70), 9. Aliff Izvan (6. Najmuddin Akmal, 46), 10. Luqman Hakim (22. Haqimi Azim Rosli, 61), 12. Nooa Laine, 14. Zikri Halili, 15. Fergus Tierney, 17. Syaxir Bashah (4. Muhammad Abu Halil, 46) 19. Safvan Mazlan
Ogohlantirishlar: Syaxir Bashah (10) 10, Safvan Mazlan (26).

Joylangan vaqt : (18 Aprel 2024 в 00:00)
Manba: www.stadion.uz