Tush.UZ - Tushlar tabiri"Manchester Siti" bilan o‘yin Karlo Anchelotti uchun "Real" boshqaruvidagi Chempionlar ligasidagi 60-o‘yin bo‘ldi.
Chempionlar ligasi 1/4 finalining ikkinchi o‘yinida “Manchester Siti” o‘z maydonida “Real Madrid”ni qabul qildi (1:1, penaltilar - 3:4). Dastlabki o‘yinda jamoalar 3:3 hisobida durang o‘ynashgandi.
Karlo Anchelotti uchun bu o‘yin uning asosiy yevrokubok turnirida Madrid klubi boshqaruvidagi 60-o‘yini bo‘ldi.
Shu tariqa, “Real Madrid”ning amaldagi bosh murabbiyi bu ko‘rsatkich bo‘yicha Vinsent del Boske bilan tenglashib oldi.
Birgina Migel Munyos Yevropa kubogi/CHempionlar ligasida Madrid klubi boshqaruvida ko‘proq o‘yin o‘tkazgan - 1959-1974 yillar oralig‘ida 71 ta o‘yin.
Bundan tashqari, Karlo Anchelotti Chempionlar ligasida murabbiylik faoliyatidagi 201-uchrashuvini o‘tkazmoqda. U tarixda birinchi bo‘lib 200 ta o‘yinga erishgan.