Bekzod Abdurahmonov Parij Olimpiadasi yo‘llanmasini qo‘lga kiritdi

Bekzod Abdurahmonov ham o‘z nomini Olimpiada qatnashchilari orasiga qo‘shib qo‘ydi.

Erkin kurash bo‘yicha Tokio—2020 Olimpiadasi sovrindori Bekzod Abdurahmonov yana bir Olimpiya o‘yinlari yo‘llanmasini qo‘lga kiritdi.

O‘zbekistonlik sportchi Qirg‘izistonda o‘tayotgan Osiyo lisenzion turniridagi muvaffaqiyatli ishtiroki orqali Parij—2024 Olimpiadasining qatnashchilari orasidan joy oldi. Bu bilan Abdurahmonov faoliyatida uchinchi bor 4 yillikning eng nufuzli musobaqasiga yo‘llanma olmoqda.

Eslatib o‘tamiz, Bekzod Tokio Olimpiadasida bronza medalini qo‘lga kiritgan.

Avvalroq -57 kg vazn toifasida G‘ulomjon Abdullayev ham Parij Olimpiadasi yo‘llanmasini qo‘lga kiritgani xabar berilgandi.

Joylangan vaqt : (19 Aprel 2024 в 20:00)
Manba: www.stadion.uz