Uxlash oldi mutolaa uchun. Ular hozir qayerda? Zidan «Real»ga olib kelgan futbolchilar

Zinedin Zidan bosh murabbiylik davrkarida o‘zining "Real Madrid" afsonasi sifatidagi vazifasi kuboklarni to‘plash va ularni Yevropaning yangi cho‘qqilariga olib chiqish orqali mustahkamladi - lekin u transfer bozorida qanday muvaffaqiyatga erishdi?

Klubning B jamoasida murabbiy sifatida o‘z mahoratini oshirgan Zidan 2016 yil yanvar oyida ishdan bo‘shatilgan Rafael Benitesninong o‘rnini egalladi va 2018 yilda iste’foga chiqishdan oldin «Real»ni La Liga va uchta Chempionlar ligasi g‘olibligiga ketma-ket olib chiqdi.

Biroq 2019 yilning martiga kelib, u yana qizg‘in o‘rindiqqa o‘tirdi va 2021 yilda chetga chiqishdan oldin klubni boshqa liga chempioni sari yetakladi. Zizou ikki marta murabbiy sifatida 11 o‘yinchi bilan shartnoma imzoladi – va bu futbolchilar hozir qayerda ekanligi haqida so‘z yuritmoqchimiz.

Alvaro Morata

2014 yilda Los-Blankos tomonidan sotib yuborilgan Morata Turinda ikki yil davomida «Yuventus» bilan 2016 yil yozida «Real»ga qaytish uchun yetarli ish qildi, ispan gigantlari 30 million yevrolik qaytarib sotib olish shartini faollashtirdi.

Morata «Real»dagi bir mavsumini Karim Benzema bilan raqobatda hamda zaxirada o‘tkazdi va keyingi yozda «Chelsi» bilan shartnoma imzoladi. Londonda omadsizlikka uchragach, u Madridga qaytdi - «Atletiko» bilan - u yerda doimiy shartnoma imzoladi, faqat shartnoma imzolaganidan keyin «Yuve» bilan bir mavsumni ijarada o‘tkazdi.

U endilikda Madridga qaytgan va «Atletiko» safida faoliyatini davom ettirmoqda.

Teo Ernandes

Teo dastlab «Atletiko»da o‘zini ko‘rsatganidan so‘ng, 2017 yilning yozida «Real» bilan shartnoma imzoladi. Ammo bir mavsumdan keyin "Real Sosedad"ga ijaraga berib yuborildi.

«Milan» 2019 yilda fransiyalik qanot himoyachisini 20 million yevro evaziga sotib olish bo‘yicha kelishuvga erishdi – bu «Real» 2017 yilda sarflaganidan 4 million yevro kamga sotib yuborishga qaror qildi.

Ernandes «rossoneri» safida 29 ta gol va 38 ta golli uzatmani amalga oshirdi va 2021-22 yilgi mavsumda Skudettoni qo‘lga kiritishda Rafael Leao bilan chap qanotda samarali hamkorlikni shakllantirishda muhim rol o‘ynadi.

Hozir 26 yoshda, u hatto bu mavsumda markaziy himoyada o‘z mahoratini oshirishga vaqt ajratdi va Bernabeuga qaytishi mumkin.

Dani Sebalyos

Zidanning «Real»dagi birinchi ishida yakuniy imzo chekkan Seballos "Real Betis" dan ko‘chib o‘tganidan keyin «Real»dagi standartlarga javob berishga qiynaldi. U o‘ta kuchli hisoblangan yarim himoya triosiga raqobat qila olmadi.

Sebalyos 2019 yilda «Arsenal»ga ijaraga berilgan va ikki yilni «kanonirlar» safida o‘tkazgan. 2021 yilga kelib u Madridga ancha yaxshi futbolchi bo‘lib qaytdi va hozirda Karlo Anchelotti jamoasining muhim qismi bo‘lib, o‘tgan yili klub bilan shartnomani 2027 yilgacha uzaytirdi.

Takefusa Kubo

Bolaligida «Barselona» akademiyasida vaqt o‘tkazganiga qaramay, aynan «Real» Kuboning iste’dodini payqab oldi va 2019 yilda uni «Malyorka»ga ijaraga berib yubordi.

«Vilyarreal», «Xetafe» va «Malyorka» klublarida ijarada ko‘proq vaqt o‘tkazgandan so‘ng, Kubo 2022 yilning yozida "Real Sosedad"ga sotildi va o‘shandan beri gullab-yashnamoqda, bu mavsumda La Ligada atigi 23 o‘yinda 10 ta gol urgan.

Endigina 22 yoshga to‘lgan Kuboning kelajagi nihoyatda yorqin ko‘rinadi va uni La Liganing eng yaxshi uch jamoadan birida o‘ynamaydigan, ammo eng foydali futbolchi desak mubolag‘a bo‘lmaydi.

Eden Azar

2010 yil aprel oyida Zidan: "Men Eden Azarni shak-shubhasiz «Real»ga olib kelgan bo‘lardim", degandi. 2015 yilda u shunday izoh berdi: “Krishtianu va Messidan keyin Eden menga eng yoqadigan futbolchi. Uning Madrid klubida o‘ynayotganini ko‘rish ajoyib."

2019 yilning yozida u nihoyat o‘z xohishiga erishdi va «Real» uni sotib oldi, dastlabki 89 million funt sterlingni to‘ladi va Azarga 150 million funt sterlingga teng bo‘lishi mumkin bo‘lgan olti yillik shartnomani imzoladi.

Belgiyalik «Chelsi»dagi yetti shonli yillik faoliyatidan so‘ng orzusini amalga oshirgan paytdan boshlab jarohatlar uni tinch qo‘ymadi hamda yangi klubida ham xuddi shu sabab o‘zining sport formasini va obro‘sini yo‘qotdi.

Futbolning go‘zal hikoyalaridan biri bo‘lishi kerak bo‘lgan narsa unutilmas voqeaga aylandi - tushunarsiz sabablarga ko‘ra - u 2023 yilda 32 yoshida faoliyatini yakunlashga qaror qildi.

Eder Militao

2019 yil yozi «Los-Blankos» uchun og‘ir sarmoyalarga boy bo‘ldi, ular «Portu»dan Militaoni sotib olish orqali o‘z mudofaasi kelajagini ta’minladilar.

Unga sarflangan 50 million yevroni oqlash uchun unga qisqa vaqt kerak bo‘ldi, ammo besh yil o‘tib, braziliyalik bemalol jahon futboli darajasidagi himoyachilardan biri bo‘ldi.

U klub tarkbida 100 dan ortiq o‘yinda maydonga tushgan va yaqinda «Real»ga La Liga va 15-CHempionlar ligasini qo‘lga kiritishda yordam berish maqsadida og‘ir jarohatidan forig‘ bo‘ldi hamda katta futbolga qaytdi.

Ferlan Mendi

Fransiyalik chap qanot himoyachisi 2019 yilda «Lion»dan 53 million yevro evaziga Zidan jamoasiga qo‘shilganida «Real»ga anchagina qimmatga tushdi.

O‘shandan beri u klub uchun 150 dan ortiq o‘yinda maydonga tushdi, David Alaba jarohat olgan yoki markaziy himoyachi sifatida harakat qilganida u chap qanot himoyasida o‘ynadi, ammo Mendi o‘zini juda ko‘rsata olmadi va asosiy tarkibdan joy olishi qiyinlashib bormoqda. Agar «Real» kutilganidek Alfonso Devisni qo‘lga kiritsa, Ferlan uchun yanada ahvol chigallashadi. Hattoki u "Qirollik klubi" bilan xayrlashishi mumkin.

Lyuka Yovich

Azar bilan o‘sha yozda imzolangan yana bir qimmat flop, Yovich "Bernabeu"ga va’dalar bilan keldi, ammo jarohatlar va nomuvofiqliklar uning birinchi mavsumini izdan chiqardi va Madriddagi ikkinchi mavsumining yarmiga kelib, u Frankfurtning «Ayntraxt»iga ijaraga berildi.

U 2022 yilda «Fiorentina»ga tekin transfer bo‘yicha shartnoma imzoladi va Madriddagi dahshatli tushini tugatdi va endi o‘zini «Milan»da Olivye Jiruga raqobatchi sifatida ko‘rmoqda.

Alfonso Areola

Parij klubi posboni «Real»ga ijara asosida qo‘shildi, bu kelishuvning bir qismi bo‘lib, Keylor Navas o‘zini qarama-qarshi yo‘nalishda ko‘rdi va poytaxtdagi bir mavsumdan keyin La Liga g‘olibi sifatida ketdi.

«PSJ» va «Real»ni tark etganidan keyin Areola Yevropa chempioniga aylandi. Xa, haqiqatan ham - u "Vest Xem" 2023 yilgi Yevropa konferensiya ligasida g‘alaba qozonganida jamoa darvozasini himoya qildi. Devid Moyes qo‘l ostida u anchagina o‘zini ko‘rsatishga muvaffaq bo‘lmoqda.

Joylangan vaqt : (20 Aprel 2024 в 01:00)
Manba: www.stadion.uz