Enrike: "Bu hali uzoq va mashaqqatli yo‘l"

Luis Enrike "PSJ"ning ehtimoliy kvadrupli haqidagi savolga javob berdi.

“Shubhasiz, biz hech bir fransuz klubi qila olmagan ishni qila olsak mamnun bo‘lamiz.

Bu bizni rag‘batlantiradi, ammo hozirda bizda faqat bitta unvon (Fransiya Superkubogi) bor, biz chempionlikni qo‘lga kiritishimiz va barcha musobaqalarda sovrinlar uchun kurashni davom ettirishimiz kerak. Bu hali uzoq va mashaqqatli yo‘l", - dedi “PSJ” bosh murabbiyi.

Parij klubi 29 turdan keyin 66 ochko bilan Liga 1 turnir jadvalida peshqadamlik qilmoqda. "PSJ" Chempionlar ligasi yarim finalida Dortmundning "Borussiya"si bilan, Fransiya kubogi finalida "Lion" bilan kuch sinashadi.

Joylangan vaqt : (24 Aprel 2024 в 18:30)
Manba: www.stadion.uz