“PSJ”ning sobiq futbolchisi "Bu unchalik yaxshi yangilik emas"

Jerom Roten "Brest"ning Chempionlar ligasida ishtirok etishini Fransiya uchun yomon xabar deb hisoblaydi.

30 turdan keyin klub Liga 1 turnir jadvalida 3-o‘rinni egallab turibdi.

“Albatta, bu unchalik yaxshi yangilik emas, hatto "Brest" bu yerga munosib bo‘lsa ham. Bilamizki, bu turnirda o‘rtacha jamoalar kamdan-kam hollarda yaxshi natijalarga erishadilar. "Brest"ning byudjeti jamoa futbolchilarining saviyasi haqida ma’lumot berib turibdi.

Ular bu mavsumni yaxshi o‘tkazmoqda, chunki ba’zi yirik klublar muvaffaqiyatsizliklarga duch kelishdi. Ammo keyingi mavsumda ular "Brest"dan ancha yaxshi bo‘lishi mumkin.

Boz ustiga, jamoa o‘z yetakchilaridan ayrilishi mumkin - Del Kastilyo, Le-Melu, darvozabon Bizo.

Qolaversa, "Brest"ning yevrokuboklarda 5 ming tomoshabin bilan o‘ynashi (bu chegara stadionning texnik holati tufayli UEFA tomonidan belgilab qo‘yilgan) shunchaki kulgili. Biz Lyuksemburg yoki Farer orollarida emas, Fransiyadamiz", - dedi “PSJ”ning sobiq futbolchisi.

Joylangan vaqt : (26 Aprel 2024 в 16:30)
Manba: www.stadion.uz