"Chelsi" yozda Nunyesni sotib olishga uringani ma’lum bo‘ldi

Insayder Fabrisio Romano "Chelsi" o‘tgan yozda "Liverpul" hujumchisi Darvin Nunyesni sotib olishga uringanini ma’lum qildi.

"Chelsi" o‘tgan yozgi transfer oynasi oxirida Darvin Nunyesni sotib olishga harakat qilgan.

"Ko‘klar" transferni amalga oshirish uchun muzokara olib borishgan. Ammo "Liverpul" rad javobini bergan, ayniqsa Yurgen Klopp.

"Men Yurgen Kloppning "yo‘q" deganini eshitdim va Darvin Nunyesni "Liverpul"ning buguni va kelajagi uchun asosiy o‘yinchi sifatida klubda qoldirishni xohlayotganini aytdi. Ammo "Chelsi" unga juda qiziqdi", - dedi Romano.

24 yoshli urugvaylik futbolchi joriy mavsumda 50 ta o‘yinda maydonga tushib, 18 ta gol urdi va 13 ta golli uzatmani amalga oshirdi.

Joylangan vaqt : (26 Aprel 2024 в 20:00)
Manba: www.stadion.uz