Tush.UZ - Tushlar tabiri"Antverpen" bosh murabbiyi Mark van Bommel "Milan"ni boshqarishi mumkin, deb xabar beradi SportMediaset nashri.
Klub turli nomzodlarni ko‘rib chiqmoqda, biroq 47 yoshli golland ayni damda favorit deb atalmoqda. Maslahatchi Zlatan Ibrahimovich Antonio Konteni tanlagan bo‘lsa-da, klubda mutaxassis so‘raydigan maosh va transferlar uchun byudjet yo‘q.
Van Bommel 2022 yilning yozidan buyon "Antverpen"ni boshqarib kelmoqda. Jamoa u bilan Chempionlar ligasi guruhida o‘ynagan va Belgiya chempionatida chempionlik uchun pley-off guruhida 5-o‘rinni egallab turibdi.
Mark 2011 yildan 2012 yilgacha "Milan"da o‘ynagan.
Oldinroq jurnalist Fabrisio Romano ijtimoiy tarmoqlarda yaqin haftalarda milanliklar rahbariyati amaldagi bosh murabbiy Stefano Pioli bilan hamkorlikni muddatidan avval to‘xtatish uchun zarur choralarni ko‘rishi haqida xabar bergandi.