Palmer APLning ikki yulduzi o‘rnatgan rekordni takrorladi

"Chelsi" yakshanba kuni APL doirasida "Vest Xem"ga qarshi o‘yinda o‘z muxlislarini yirik 5:0 hisobidagi g‘alaba bilan xushnud qildi.

Gollardan birining muallifi “aristokratlar” yetakchisi Koul Palmer edi. Ushbu golni urgan Palmer joriy chempionatdagi 30 ta samarali harakatiga erishdi (21 gol, 9 golli uzatma).

Opta ma’lumotlariga ko‘ra, avvalroq 21 yosh va undan kichik yoshdagi ikkita futbolchi Premyer-liganing bir mavsumida 30 ta golda qatnashgan edi.

Bu futbolchilar Robbi Fauler (1994/1995 va 1995/1996) va Kris Satton (1993/1994 yilgi mavsum) edi.

Joylangan vaqt : (5 May 2024 в 22:00)
Manba: www.stadion.uz