Yangi BMW M4 CSL Nyurburgring rekordini yangiladi (video)

Yangi BMW M4 CSL Nyurburgring “Shimoliy sirtmog‘i”dagi eng tezkor seriyali avtomobilga aylandi, shuningdek, o‘rta o‘lchamli yengil mashinalar sinfida rekord o‘rnatdi. Bundan oldingi rekord 600 ot kuchiga ega Jaguar XR SV Project 8 ga tegishli edi — 7 daqiqa-yu 23,164 soniya. M4 CSL, o‘z navbatida trassani 7 daqiqa, 20,207 soniyada bosib o‘tdi, deb xabar beradi Motor.

Mart oyida Germaniyaning Sport Auto jurnalining sinovchi-poygachisi Kristian Gebxardt Nyurburgring’ni to‘liq uzatmali BMW M4 mashinasi rulida 7 daqiqa 28,57 soniyada bosib o‘tgandi. Bir yil oldin u yetakchi orqa g‘ildiraklariga ega M4 yordamida trassani bosib o‘tishga 7 daqiqa 30,79 soniya sarflagan. Endi esa natijada yanada yaxshilandi: yangi M4 CSL 7 daqiqa 20,207 soniyani namoyish etdi — va bu markaning barcha seriyali modellari orasidagi eng yaxshi ko‘rsatkichdir.

BMW M bo‘linmasi tomonidan e’lon qilingan videoga ko‘ra, 20,6 kilometrli yo‘ldan odatda taqqoslash poygalarida foydalaniladi, ikki eshikli mashina uni 7:15,677 daqiqada bosib o‘tgan, 20,832 kilometrli uzun masofa esa 7:20,207 daqiqa sarflagan. Ushbu natija Mid-range cars sinfidagi yangi rasmiy rekord hisoblandi. Bundan oldingi rekord 600 ot kuchiga ega Jaguar XR SV Project 8 ga tegishli edi — uni belgiyalik poygachi Vinsent Radermeker o‘rnatgan (7:23,164 daqiqa).

BMW M4 CSL 550 ot kuchi va 650 Nn aylanuvchi momentni taqdim etishga qodir uch litrli “biturbooltilik” yordamida harakatga keladi. Transmissiya — sakkiz pog‘onali avtomat uzatmalar qutisi, orqa uzatmali. Kupe soatiga 100 kilometr tezlikka 3,7 soniyada erishadi, 200 kilometr soatga esa 10,7 soniya kifoya qiladi. maksimal tezligi soatiga 307 kilometrni tashkil etadi.

Avvalroq AQSHda ko‘zi ojiz poygachi soatiga 340 km tezlikda harakatlangani, Audi RS 3 Nyurburgringda yangi tezlik rekordini o‘rnatgani to‘g‘risida xabar berilgandi.