Porsche 964 egasi o‘z mashinasini art-karga aylantirdi (foto)

Art-karlar haqida gap ketganda birinchi navbatda BMW avtomobillari yodga olinadi, chunki marka bu kabi mashinalarni zavod miqyosida ishlab chiqarishni zimmasiga olgan. Ammo bu istalgan avtomobil ishqiboziga qanday mashinaga egalik qilishidan qat’i nazar o‘z kuchi bilan transport vositasini art-karga aylantirishga to‘sqinlik qilmaydi. Shu sababli germaniyalik Xanna Shonevald Porsche sportkaridan o‘zining ijodiy loyihasida foydalandi, deb xabar beradi “Motor”.

Oq Porsche 964 Carrera 2 kupesi naqshga ega bo‘lgan bo‘lib, muallifning fikricha, bu nemis sportkari shaklining bashangligini ifoda etishi kerak.

Tasvirlar qo‘lda chizilgan — avvaliga kuzovga suratning chetlari belgilab olingan, keyin esa Xanna mo‘yqalam yordamida bo‘yoqni surib chiqqan.

“San’at va avtomobillarga bo‘lgan qiziqishimning uyg‘unligi menga tabiiy ko‘rindi. Ko‘pchilik art-avtomobillar mavzusi allaqachon tugagan deb o‘ylashlari mumkin, lekin men dunyo yana bittasiga ega bo‘lishi kerak deya hisobladim”, — deb tushuntiradi loyiha muallifi.

Porsche 964 Carrera 2 ni bo‘yash ishlari bir nechta joyda amalga oshirilgan, chunki naqshlarni tushirish bilan birga Porsche’ning rasmiy akkauntiga videorolik ham tasvirga olingan. Rolikda Xanna Shonevald qanday qilib art-kar g‘oyasiga kelgani va sportkar kuzovidagi chiziqlar nimani anglatishini tushuntirib bergan.

Eslatib o‘tamiz, 2020-yilda yaponiyalik dizayner Lamborghini Aventador S ni art-obyektga aylantirgandi.