Ramazon taqvimi 28.03.2024
Saharlik - 4:53 | Iftor - 18:47
*Toshkent vaqti bilan

AQSh bo‘ylab halokatli tornado: o‘nlab odamlar halok bo‘ldi, shahar vayronaga aylandi 

25 mart kuni Amerika Qo‘shma Shtatlaridagi halokatli bo‘ron yigirmadan ortiq odamning hayotiga zomin bo‘ldi va shaharlardan birini butunlay vayron qildi. 

SkyNews xabariga ko‘ra, tornado oqibatida 23 kishi halok bo‘lgan. Eng katta vayronagarchilik Missisipi va Alabama shtatlarida qayd etilgan: u yerda ko‘plab binolar vayron bo‘lgan, elektr uzatish liniyalari shikastlangan. 

Shuningdek, kuchli shamol Missisipi shtatidagi Rolling Fork shahrini «yer yuzidan o‘chirib tashlagan», u yerda kamida 12 kishi halok bo‘lgan. Bu haqda Rolling Fork meri Eldrij Uoker CNN telekanalida ma’lum qildi. 

«Mening shahrim endi yo‘q, lekin biz tirikmiz. Biz kuch to‘plab, qaytib kelamiz», dedi u. 

OAV xabariga ko‘ra, shamol tezligi soatiga taxminan 113 km ga yetgan, tornado yo‘lining umumiy uzunligi 160 kilometrdan oshgan. 

Favqulodda xizmatlar hodisa oqibatlarini bartaraf etish bilan shug‘ullanmoqda. Birgina Missisipi shtatida 17 mingga yaqin xonadon elektr ta’minotisiz qolgan. Qidiruv-qutqaruv ishlari davom etyapti.


Joylangan vaqt : (25 Mart 2023 22:00)

Manba: www.kun.uz
Tavsiya qilamiz
Яндекс.Метрика