Tush.UZ - Tushlar tabiri25-mart kuni Yevropa komissiyasi Apple, Google va Meta kompaniyalariga nisbatan sud tekshiruvini boshladi. Ular Raqamli bozorlar to‘g‘risidagi qonunga (DMA) rioya qilmaslikda gumon qilinmoqda. Bu haqda Euronews xabar berdi.
Tekshiruv shu oy boshida kuchga kirgan va bir qator qoidalarni o‘z ichiga oladi. Mazkur qoidalarning buzilishi katta jarimalar va hatto kompaniyalarni tugatishga olib keladi. Tekshiruvdan maqsad raqamli bozorlarda texnologik gigantlarning hukmronligiga barham berish, ularni sog‘lom va adolatli raqobatga yanada ochiq qilish.
Yevropa Ittifoqi Google va Apple foydalanuvchilar uchinchi tomon dasturchilaridan o‘z ilovalari haqida ma’lumotni erkin olishlarini ta’minlash uchun zarur choralarni ko‘rgan-ko‘rmaganligini tekshiradi. Yevrokomissiya ushbu IT-kompaniyalar raqobatchilarga qo‘shimcha to‘lovlar orqali o‘z takliflarini erkin targ‘ib qilishga ruxsat bermasdan, mijozlar tanlovini cheklayapti, deb hisoblaydi.
Meta’ga qarshi da’volar uning “to‘lash yoki qabul qilish” modeliga tegishli bo‘lib, Facebook yoki Instagram’da maqsadli reklamadan voz kechish uchun obuna to‘lovini talab qiladi. Foydalanuvchilarning shaxsiy ma’lumotlarini to‘plash ular qilgan tanlovdan qat’i nazar amalga oshirilishi haqida xavotirlar mavjud.
Yevropa Komissiyasi shuningdek, Google qidiruv tizimidagi variantlarni tartiblashda raqobatchilardan ko‘ra o‘z takliflarini afzal ko‘rishini da’vo qilgan. Bu raqamli bozorlar qonuni doirasida Yevropa Komissiyasining birinchi sud tekshiruvi.