Tush.UZ - Tushlar tabiriRossiya Markaziy Osiyodan keladigan mehnat muhojirlari uchun maxsus soliq joriy qilmoqchi. Bu taklif Vladimir Putinga “radikal kayfiyatdagi maslahatchilar” guruhi tomonidan bildirilgan, deydi Kremldagi Rossiya OAVning manbai.
Agar prezident bu g‘oyani ma’qullasa, Rossiyadan Markaziy Osiyo davlatlariga barcha pul o‘tkazmalari uchun maxsus soliq joriy etiladi. Ushbu soliq stavkasi o‘tkazma summasining 10 dan 15 foizigacha bo‘lishi mumkin.
Taklif mualliflariga ko‘ra (ularning manbasi ismini oshkor etishdan bosh tortgan), bunday choralar “Rossiyani buzg‘unchi unsurlar ta’siriga tezda berilib, osonlik bilan terrorchiga aylangan Markaziy Osiyodan kelgan ishonchsiz muhojirlardan tozalashga” olib keladi.
“Axir, faqat mamlakatimizda “ko‘pmi-ozmi, munosib pul topadigan” muhojirlargina soliq to‘lashi mumkin bo‘ladi. Boshqalar uchun Rossiyada ishlash o‘z ma’nosini yo‘qotadi. Eslatib o‘tamiz, Putin bu g‘oyani e’tiborga olgan, biroq hozircha bu borada qarorlar yo‘q. Yangi soliq keyinroq muhokama qilinadi”, — deya ta’kidlagan kremlparast kanal.