Tush.UZ - Tushlar tabiriBaxtsiz hodisalar vaqtida, masalan kuchli shamol, daraxt qulab tushishi va hokazolar natijasida mol-mulkka shikast yetsa, yetkazilgan zararni davlat yoki boshqa shaxslar qoplab bermaydi.
Agar mol-mulk ixtiyoriy ravishda sug‘urta qilingan bo‘lsa, shartnoma shartlariga asosan yetkazilgan zarar sug‘urta tashkiloti tomonidan qoplab beriladi.
Mulkiy sug‘urta shartnomasi bo‘yicha quyidagilar sug‘urtalanishi mumkin:
mol-mulkning yo‘qotilishi (nobud bo‘lishi), kam chiqishi yoki shikastlanishi xavfi;
fuqarolik javobgarligi xavfi — boshqa shaxslarning hayoti, sog‘lig‘i yoki mol-mulkiga zarar yetkazilishi oqibatida yuzaga keladigan majburiyatlar bo‘yicha javobgarlik, qonunda nazarda tutilgan hollarda esa, shuningdek shartnomalar bo‘yicha javobgarlik xavfi;
tadbirkorlik xavfi — tadbirkorlar aloqaga kirgan taraflardan biri o‘z majburiyatlarini buzishi yoki tadbirkorga bog‘liq bo‘lmagan vaziyatlarga ko‘ra bu faoliyat shart-sharoitlarining o‘zgarishi tufayli tadbirkorlik faoliyatidan kutilgan daromadlarni ololmaslik xavfi.
Bugungi kunda aholida transport vositalari egalarining fuqarolik javobgarligini majburiy sug‘urta qilish bilan bog‘liq noto‘g‘ri tushunish bo‘lishi mumkin. Mazkur sug‘urta majburiy, lekin transportga yetkazilgan zararni emas, yo‘l transport hodisasi natijasida boshqaga yetkazilgan zararni qoplab beradi.
Shu sababli, har bir mulkdor o‘z mulkini ehtiyot qilish choralarini ko‘rishi maqsadga muvofiq.