Tush.UZ - Tushlar tabiriArgentina Prezidenti Xavyer Miley yaqin oylarda 70 ming davlat xizmatchisini ishdan bo‘shatmoqchi. Bu haqda «La Politica Online» nashri xabar berdi, deya yozmoqda Kazinform.
“Biz 50 ming davlat xodimini ishdan bo‘shatgandik, ular bilan shartnomalar bekor qilindi. Biz yana 70 ming davlat xizmatchisini ishdan olamiz", – dedi Argentina Prezidenti Lotin Amerikasi iqtisodchilari forumi yopilishida.
Nashrning yozishicha, hukumat 31 martda tugaydigan o‘n minglab "keraksiz" kelishuvlardan ham qutilmoqchi.
Ma’lumot uchun, 2023 yil 27 dekabrda ham Argentina hukumati 2023 yilda ishga qabul qilingan 5 mingdan ortiq davlat xizmatchisi bilan shartnomalarni yangilamagandi. Qolganlari 90 kun davom etgan auditdan o‘tkazildi. Ushbu chora qonuniy kvota bo‘yicha ishga qabul qilingan yoki "ish uchun muhim" deb hisoblangan xodimlarga ta’sir qilmagan.
Eslatib o‘tamiz, 53 yoshli iqtisodchi Xavyer Miley Argentina Prezidenti bo‘ldi. U Markaziy bankni tugatmoqchi va milliy valyuta peso o‘rniga AQSh dollaridan foydalanishni taklif qilgani bilan ko‘pchilikning e’tiboriga tushgandi.