Tush.UZ - Tushlar tabiriFransiya Auditorlar sudi birinchi raisi Per Moskovichining aytishicha, Parijda yozgi Olimpiya o‘yinlarini o‘tkazish uchun byudjet xarajatlari 3 milliard yevrodan 5 milliard yevrogacha ko‘tarilishi mumkin.
Avvalroq Moskovichi Olimpiada o‘yinlari Fransiya g‘aznasiga 3 milliard yevroga tushishi haqida xabar bergan edi.
“Olimpiada o‘yinlariga mezbonlik qilish qanchaga tushishini hali bilmaymiz. Musobaqadan so‘ng Hisob palatasi audit o‘tkazadi. O‘yinlar 3-5 milliard yevroga tushishi mumkin, ko‘ramiz. Xarajatlar davlat qarzi darajasiga ulkan ta’sir ko‘rsatmaydi”, — deya Moskovichining so'zlarini keltirmoqda Inside the Games, France Inter nashriga tayanib.
Dastlabki hisob-kitoblarga ko‘ra, Olimpiada o‘yinlari xarajatlari 9 milliard yevroga baholanmoqda, shundan tashkiliy qo‘mita xarajatlari 4 milliard yevrodan ortiqni tashkil qiladi.
Parijdagi Olimpiya o‘yinlari 2024-yilning 26-iyulidan 11-avgustiga qadar bo‘lib o‘tadi.