Tush.UZ - Tushlar tabiriRossiya prezidenti Vladimir Putin 27-mart kuni Rossiyaning NATO bilan urushga kirishishi haqidagi qo‘rquvni “safsata” deb atadi, deya Deutsche Welle xabar berdi.
Putinning so‘zlariga ko‘ra, 2022-yilda AQSH harbiy xarajatlari 811 milliard dollarni, Rossiyaniki esa 72 milliard dollarni tashkil qilgan:
Mazkur nisbatni bila turib ham biz NATO bilan kurashamizmi? Bu shunchaki safsata, — dedi Rossiya rahbari.
U Tver viloyatiga ish safari chog‘ida harbiylar bilan muloqot qilar ekan Rossiyaning Yevropa davlatlariga nisbatan tajovuzkor niyati yo‘qligini taʼkidlagan.
Ukrainadan keyin Yevropaga hujum qilishimiz haqidagi mish-mishlar bo‘lmagan gap, bu o‘z aholisini qo‘rqitish evaziga ulardan pul undirish uchungina xolos, — deb qo‘shimcha qilgan Putin.
Putinning so‘zlariga ko‘ra, agar urushda qatnashish uchun Ukrainaga topshirilgan Amerikaning F-16 qiruvchi samolyotlari uchinchi davlatlar aerodromlaridan uchib chiqsa, bu aerodromlar Rossiya harbiylari uchun qonuniy nishonga aylanadi. Shu bilan birga, Putin F-16 samolyotlari bortida yadro qurolini olib yurishi mumkinligini eslatib, buni ham hisobga olishini aytgan.