Tush.UZ - Tushlar tabiriBuyuk Britaniyaning Oksford universiteti olimlari miyani qaritadigan yangi xavf omillarini aniqlashdi.
Olimlar 45 yoshdan oshgan 40 ming kishining miya tekshiruvi natijalarini tahlil qilishdi. Ular oldingi tadqiqotlarda aniqlangan 161 ta demensiya xavf omillarining miyaning ayniqsa zaif joylariga ta’sirini baholashdi.
Xavf omillari bir necha toifalarga bo‘lingan: qon bosimi, xolesterin, diabet, vazn, spirtli ichimliklarni iste’mol qilish, chekish, depressiya, yallig‘lanish, ifloslantiruvchi moddalarga ta’sir qilish, eshitish qobiliyati bilan bog‘liq muammolar, uyqu, ijtimoiylashuv, ovqatlanish, jismoniy faollik va ta’lim.
Ma’lum bo‘lishicha, yurak-qon tomir kasalliklari, shizofreniya, Alsgeymer va Parkinson kasalliklari rivojlanishida ishtirok etuvchi genlarning yetti klasteri yuqori tartibli hududlarning yomonlashishi bilan chambarchas bog‘liq. Bundan tashqari, kam o‘rganilgan Xg qon guruhi tizimiga tegishli ikkita antigen bilan bog‘liqligi aniqlandi. Hozirgacha ushbu qon guruhlarining klinik roli noaniq bo‘lib qoldi.
Miya uchun eng zararlisi qandli diabet va alkogolizm bilan bog‘liq bo‘lgan genetik, shuningdek, kimyoviy moddalar ta’sirini modullashtiradigan omillar ekani ma’lum bo‘ldi, deb xabar beradi lenta.ru.