Tush.UZ - Tushlar tabiriToshkentning ikki hududida qarzdorlardan texnika vositalari va do‘konlar xatlandi. Bu haqda MIB axborot xizmati “Daryo”ga xabar berdi.
Ma’lum qilinishicha, Majburiy ijro byurosining Bektemir tuman bo‘limi ish yurituvida Jinoyat ishlari bo‘yicha Bektemir tuman sudining ijro varaqasiga asosan “F.T.C.” rusumli yuk furgoni, “Istanbul Fruyehauf” rusumli yarim tirkama sisternasi va KamAZ yuk tortuvchi transport vositalarini qonuniy egasiga qaytarish to‘g‘risidagi ijro ishi mavjud.
Mazkur ish bo‘yicha majburiy ijro harakatlari davomida ushbu transport vositalarining fuqaroga olib berilishi ta’minlandi.
Yana bir holatda, byuroning Mirzo Ulug‘bek tuman bo‘limi tomonidan qarzdor “I.P.” korxonasidan undiruvchi “Garant Bank” AJ foydasiga 534 million 86 ming so‘m qarz undirish va undiruvni 726 million 527 ming 900 so‘mga baholangan Toshkent shahar, Mirzo Ulug‘bek tumani, Gulsanam ko‘chasidagi savdo do‘koni va yordamchi bino inshootlarining 2-qavat, 4-5-6-7-sonli xonalarga qaratish belgilangan edi.
Davlat ijrochisi tomonidan qarzdorga barcha huquq va majburiyatlari tushuntirilib, ijro hujjati talabini bajarishi uchun ixtiyoriy muddat berilgan.
Shundan so‘ng ijro harakatlari davrida savdo do‘koni va yordamchi bino-inshootlarning do‘konlari tegishli tartibda xatlanib, realizatsiya ishlariga kirishildi.