Tush.UZ - Tushlar tabiriNamangan viloyati bojxona boshqarmasi tomonidan o‘tkazilgan tezkor tadbir davomida aylanma yo‘llar orqali kirib kelgan va tegishli hujjatlari bo‘lmagan 13 579 quti tamaki mahsulotlarining savdoga chiqarilishiga chek qo‘yildi. Bu haqda “Daryo” muxbiri Azizbek Abduvaliyev xabar bermoqda.
Ushbu mahsulotlarning umumiy qiymati 108,7 million so‘mni tashkil etadi.MIB Yangi Namangan tuman bo‘limi tomonidan amalga oshirilgan ijro harakatlari davomida mazkur tamaki mahsulotlari yo‘q qilindi.Viloyat bojxona, MIB, Ekologiya va atrof-muhitni muhofaza qilish boshqarmalari hamda OAV vakillari ishtirok etgan tadbir davomida tamaki mahsulotlari maxsus pechlarda yoqib yuborildi.Maʼlumot uchun, byuroning Yangi Namangan tuman bo‘limi tomonidan joriy yil birinchi choragi davomida 4 ta holatda umumiy qiymati 222,6 million so‘mlik 28 559 quti noqonuniy olib kirilgan tamaki mahsulotlari belgilangan tartibda yo‘q qilingan.