Maks Hollouey 6 pog‘ona yuqoriladi, Getji esa 3-o‘ringa tushdi. UFC eng yaxshi jangchilar reytingini yangiladi

UFC 300-raqamli turniridan so‘ng eng yaxshi jangchilar reytingini yangiladi.

Promoushenning sobiq chempioni Maks Hollouey vazn toifasidan qat’i nazar tuzilgan reytingda 6 ta pog‘ona yuqoriladi va hozirda 8-o‘rinni egallab turibdi.

UFC 300 turnirida Holloueyga nokautga uchragan Jastin Getji divizionning 3-pog‘onasiga tushdi. Ikkinchi o‘rinda esa Arman Sarukyanga ochkolari hisobiga mag‘lub bo‘lgan Charlz Oliveyra joy olgan. 

Aleksandr Rakich ustidan qozonilgan g‘alabadan so‘ng Irji Proxazka yarim og‘ir vazn toifasidagi reytingda birinchi o‘ringa ko‘tarilib oldi. Aleks Pereyraga yutqazib qo‘ygan Jamal Hill reytingda uchinchi o‘rinni egalladi.

Aljameyn Sterling esa yarim yengil vazn divizionida debyut qildi va reytingda 8-o‘rinni egallab turibdi.

Joylangan vaqt : (17 Aprel 2024 20:04)

Manba: www.daryo.uz