Tush.UZ - Tushlar tabiriSlovakiya bosh vaziri Robert Fiko Donbass va Qrim abadiy Rossiya tarkibida qolishini maʼlum qildi. Bu haqda “TASS” nashri xabar berdi.
Manbada aytilishicha, 17-aprel kuni Slovakiya bosh vaziri Robert Fiko mamlakat Milliy kengashi (parlamenti)ning Yevropa ishlari bo‘yicha qo‘mitasi aʼzolari oldida nutq so‘zlagan. Nutqida u Rossiya va Ukraina urushi yakuni borasida bir qancha fikrlarini bildirgan.“Xalqaro huquq nuqtai nazaridan, har birimiz boshqa davlatning hududiy yaxlitligi, uning suvereniteti va chegaralari daxlsizligini tan olamiz. Bu ajoyib xalqaro huquq amaliyotidir. Lekin, shuni aytishim kerakki, ruslar Qrimni hech qachon qaytarib berishmaydi. Ular Donbassdan ham, Luganskdan ham chiqib ketmaydilar”, — degan bosh vazir.
Slovakiya vaziriga ko‘ra, Kiyev bilan qarama-qarshilikda Moskva g‘alaba qozonadi. Ayni damda tinchlikka erishish uchun har ikki tomon bir-biriga yon berishga majbur.
Slovakiya bosh vaziri Robert Fiko uzoq vaqtdan beri G‘arbning Ukraina bo‘yicha strategiyasini tanqid qilib, mojaroning harbiy yechimi yo‘qligini taʼkidlab kelayotgan edi.