“Real”ning braziliyalik futbolchisi “Barselona”ga qarshi o‘yinni o‘tkazib yuborishi mumkin

Madridning “Real” klubi hujumchisi Vinisius Junior Yevropa Chempionlar ligasi (ECHL) chorak finalida “Manchester Siti” bilan javob uchrashuvida jarohat oldi.

Qo‘shimcha vaqtning 22-daqiqasida braziliyalik futbolchi sonini ushlab, maydonga yiqildi, shundan so‘ng uning o‘rniga Lukas Vaskes tushirildi.

Qayd etilishicha, Vinisiusning 21 aprel kuni bo‘lib o‘tadigan Ispaniya chempionatida “Barselona” bilan o‘yinni o‘tkazib yuborish xavfi bor. Hozircha shifokorlar futbolchining holati bo‘yicha rasmiy ma’lumot berishgani yo‘q.

Eslatib o‘tamiz, avvalroq “El-klasiko”ni kim boshqarib borishi xabar qilingandi.

Joylangan vaqt : (18 Aprel 2024 17:00)

Manba: www.aniq.uz