O‘zbekistonlik sportchi final yo‘llanmasini qo‘lga kiritdi

Shu kunlarda Saudiya Arabistonining Ar-Riyod shahrida ot sportining konkur yo‘nalishi bo‘yicha Jahon kubogi finali bo‘lib o‘tyapti.

Mukofot jamg‘armasi 2,6 million yevroga teng mazkur musobaqada o‘zbekistonlik sportchilar ham ishtirok etmoqda. 17 ta sport juftligi qatnashayotgan kecha bo‘lib o‘tgan konkur bahslarida hamyurtimiz, 22-raqam ostida harakat qilgan Nurjon Tuyakboyev va uning «Kvintus» laqabli oti to‘siqlar balandligi 160 sm bo‘lgan yo‘nalishni muvaffiqiyatli bosib o‘tdi va final yo‘llanmasini qo‘lga kiritdi. U atigi ikkita to‘sinni tushirib yubordi, xolos.

Endi Nurjon 3-tartib raqam ostida shvetsiyalik Xenrik fon Ekkerman hamda uning «King Edward» tulporiga qarshi bahsda ishtirok etadi. Bellashuvlar bugun kechki dasturga kiritilgan.

Ma’lumot uchun ta’kidlab o‘tish kerak, Jahon kubogi finali yetakchisi aynan shvetsiyalik ushbu sportchi sanaladi. Musobaqa 20 aprel kuni yakuniga yetadi.
Joylangan vaqt : (18 Aprel 2024 17:00)

Manba: www.zamin.uz