Tush.UZ - Tushlar tabiriBarokko san’ati asoschilaridan biri hisoblangan italiyalik rassom Karavadjoning so‘nggi kartinasi 20 yil ichida ilk bor Londonda ko‘rgazmaga qo‘yiladi, deb xabar berdi Kazinform.
Milliy galereyaning “So‘nggi Karavadjio” nomli yangi ko‘rgazmasi o‘zining so‘nggi asarini chizganida qotillikda ayblanib, qochib ketgan rassomning ishini taqdim etadi.
Karavadjoning so‘nggi asari - "Avliyo Ursulaning azobi" 1610 yilda chizilgan.
O‘sha yili rassom qotillikda ayblanib, papaning avf etishidan keyin Rimga qaytayotganida vafot etdi.
Yuzlab yillar davomida bu rasm Karavadjo izdoshlaridan birining ishi deb hisoblangan.
Ammo uning asl kelib chiqishi 1980 yillarda ma’lum bo‘ldi.
18 apreldan 21 iyulgacha Londondagi Milliy galereyada “So‘nggi Karavadjo” ko‘rgazmasi bo‘lib o‘tadi. Ko‘rgazmaga kirish bepul.