Tush.UZ - Tushlar tabiriPokiston armiyasi Afg‘oniston chegarasini kesib o‘tish chog‘ida yetti nafar qurolli shaxs halok bo‘lganini ma’lum qildi. Bu haqda Aamaj News xabar berdi.
Ma’lum qilinishicha, chegara qo‘shinlari Shimoliy Vaziristonda Afg‘oniston—Pokiston chegarasini kesib o‘tishga uringan yetti nafar shaxsni yo‘q qilgan. Ularning katta miqdordagi qurol-yarog‘ va portlovchi moddalari musodara qilingan. Pokiston armiyasi o‘z bayonotida “Tolibon”dan har doim o‘z chegaralarini to‘g‘ri boshqarishni so‘rashini ta’kidladi.
Pokiston bu borada “Tolibon”dan o‘z masʼuliyatini ado etishini va Afg‘oniston tuprog‘idan Pokistonga qarshi foydalanishiga yo‘l qo‘ymasligini kutgan, — deyiladi xabarda.
Pokiston va “Tolibon” o‘rtasidagi chegarada taranglikni bartaraf etish bo‘yicha so‘nggi uch yildagi sa’y-harakatlar muvaffaqiyatsizlikka uchradi. Pokiston doimo Afg‘oniston muvaqqat hukumatini “Pokiston Tehrik-e-Tolibon”ga xavfsiz boshpana berganlikda ayblab keladi.